Karyai
Karyai (altgriech. Καρύαι „Nussbömm“) isch en antiks Dorf gsii im Grenzpiet vo Lakonie und Arkadie. D Laag isch nöd bikannt, irgedwo i de Umgebig vom hüttige Ort Karyai bi Analipsis oder Arachova.
Karyai isch ursprünglich en arkadische Ort gsii hett zo de Zitt vo de Peloponnesische Chrieg zo Sparta ghört. Noch de Niderlaag vo Sparta i de Schlacht vo Leuktra ane 371 v. Chr. isch Karyai zo de arkadische Stadt Tegea choo. I de röömische Chaiserzitt isches wider zo Sparta choo.
Z Karyai isch e wichtige Tempel vo de Artemis gstande, mitere Statue vo de Artemis Karyatis, wo verusse gstanden isch. Jedes Joor hend spartanischi Tänzerinne, wo Karyatide gnennt wore sind, e traditionelle iihaimische Tanz zo Eere vo de Göttin gfiiret. Noch de Saag söll de messenischi Fraihaitsheld Aristomenes die Tänzerinne entfüert und gege tüürs Geld wider fraigloo haa.[1] S Artemishailigtum isch velicht identisch mit de Temeplruine, wo nordöstlich vo Arachove uusgrabe woren isch.[2]
Quelle ändere
- Thukydides: Peloponnesische Chrieg 5.55.3
- Xenophon: Hellenika 6.5.25; 7.1.28
- Pausanias: Raise z Griecheland 3.10.7; 4.16,9f.; 8.45.1
Noowiis ändere
- ↑ Daniel Ogden: Aristomenes of Messene; The Classical Press of Wales (2004). ISBN 0-9543845-4-7. S. 5
- ↑ Isabella Solima: Heiligtümer der Artemis auf der Peloponnes; Verlag Archäologie und Geschichte, Heidelberg (2011). ISBN 978-3-935289-35-1. S. 172
Literatur ändere
- YvesLafond: Karyai. In: Der Neue Pauly (DNP). Band 6, Metzler, Stuttgart 1999, ISBN 3-476-01476-2, Sp. 309–310.
- Isabella Solima: Heiligtümer der Artemis auf der Peloponnes; Verlag Archäologie und Geschichte, Heidelberg (2011). ISBN 978-3-935289-35-1. S. 171-173.