Alemannische Wikipedia

Katja Krasavice

Katja Krasavice ([krasa'vʲitsɛ], bìrgerlig Katrin Vogel, * 10. Àuigscht 1996 àls Katrin Vogelová in Teplice, Tscheechia) ìsch a diitscha Sangera, Rapperin, Àuitoora un Webvideoproduzänta.

D’ Katja Krasavice ànna 2018
Dialäkt: Mìlhüüserdiitsch

ìhr Laawa

ändere

D’ Katrin Vogel ìsch ànna 1996 ìn dr nordbööhmischa Schtàdt Teplice uff d’ Walt kumma. Sa ìsch d’ Tochter vun’ra tscheechischa Fotogààfin un vu’ma Hàndwarker.[1] Wu sa noch a Bubbala gsìì-n-ìsch, hann d’ Äältra mìt ìhr un ìhra dräi Hàlbgschwìschtera ìns Haimetdorf vum Vàtter, Liebschütz ìm Sàchsa gwàndelt. Ìm Àlter vu fìmf Joohra hàt sa a Brüader verloora, wo àn Krabs gschtoorwa-n-ìsch.

Ìn dr Schüal ìsch d’ Krasavice waaga-n-ìhrem uffraizenda-n-Ufftratta b’läschtigt, b’schìmpft un vun ìhra Mìtschialer käärwerlig ààgrìffa worra.[2] Ìhr Vàtter ìsch Àlkohooliker gsìì un ìsch gewàlttaatig geega-n-ìwwer ìhra Müatter gsìì. Wu sa älf Joohra gsìì-n-ìsch, hàt sìch ìhr zwaiter Brüader ìn’ma Gfangnisszälla s’ Laawa gnumma. Schpeeter hàt d’ Vogel geega-n-ìhra Vàtter vor’ma Grìcht üssgsajt, wial’r ìhra Frìndinna säxüäll missbrüücht ghàà hàt. D’rnooh ìsch sa mìt ìhrer Müatter ze Verwàndta-n-uff Leipzig gànga ge laawa. Doo ìsch sa ìns Gümnààsium gànga — sa hàt àwwer s’ Gümnààsium ohna Schüalàbschluss fààraloo.[3]

Wu sa ànna 2018 àn dr Farnsahsandung Promi Big Brother mìtgmàcht hàt, hàt d’ Krasavice vun’ra àbgebrochana Schwàngerschàft grädd. Sa hàt gsajt, àss sa Àngscht ghàà hàt, àss ìhr Kìnd waaga-n-ìhrem Ufftratta ìn dr Schüal b’läschtigt un üssgegranzt wìrd. Schpeeter hàt sa gsajt, àss sa dia Äntschaidung räijt.[4]

ìhra Kàrriar

ändere

Ànna 2014 hàt sa a YouTube-Kànààl unter’m Kìnschtlernàmma Katja Krasavice ärschtällt. S’ Wort „krasavice“ bediitet uff Tscheechisch „scheena Fràui“[5] Ìn da Videos ìsch sa fräizììgig ààgezooga gsìì, hàt äffentligt ìwwer Säxuàliteet grädd mìt Ààschpììgelung uff d’ Pornokültüür un hàt d’ plàstischa Schirürgii globt. Wagadam ìsch sa ìm diitschschproochiga Ràuim àls „Säx-Youtubera“ bekànnt worra.[6][7][8]

Àm Andsjoohr 2017 hàt d’ Krasavice ìhra äärschta Sìnggel Doggy veräffentligt. D’ Sìnggel ìsch aina Wucha làng uff Plàtz Sììwa ìn da diitscha Sìnggelcharts gsìì.[9] Ìm Àwrìl 2018 hàt sa ìhr zwait Liad Dicke Lippen veräffentligt. Ìhra drìtta Sìnggel Sex Tape, ìsch ìm Àuigscht 2018 üssagànga. Bii àlla Liader hàt sa zamma mìt’m diitscha Müüsikproduzänt Stard Ova gschàfft, wo d’ Tìtel gschrììwa un produziart hàt. Ìm Àuigscht 2018 hàt d’ Krasavice àn dr säckschta Schtàffel vu Promi Big Brother tailgnumma un ìsch doo uff Plàtz 6 ànakumma.[10]

Ìm Jüüli 2019 ìsch bekànnt worra, àss sa bii Warner Music unter Vertrààg gnumma worra-n-ìsch. Kurz druff hàt sa àlla Videos vun ìhrem YouTube-Kànààl Katja Krasavice àwaggnumma; zitterhar düat sa Videos uff’m Kànààl Katja Krasavice Music veräffentliga. Ìm Janner 2020 ìsch ìhr äärscht Àlbum Boss Bitch veräffentligt worra un ìsch uff Plàtz ains vu da diitscha Àlbumcharts ànakumma. D’ äärschta Sìnggel vum Àlbum, Gucci Girl, ìsch a Ààschpììgelung uffs Liad Barbie Girl vun Aqua üss’m Joohr 1997.[11][12]

Ìm Jüüni 2020 ìsch ìhr Büach Die Bitch Bibel veräffentligt worra. Ìm saalwa Moneet ìsch’s uff Plàtz zwai ìn dr Spiegel-Bestsellerlischta gsìì.[13] Ìm Janner 2021 hàt sa zamma mìt dr Müüsikànta Elif d’ viarta Sìnggel Highway vun ìhrem Àlbum Eure Mami veräffentligt. Dia Sìnggel ìsch uff Plàtz ains vu da diitscha Sìnggelcharts gsìì. D’rnooh ìsch ìhr zwait Àlbum Eure Mami veräffentligt worra.[14] Auch dieses Album erreichte Platz eins der deutschen Albumcharts.[15]

Ìm März 2021 ìsch d’ Krasavice ìn dr Sandung Täglich frisch geröstet z’ sah gsìì, wo bii RTL üssgschtrààhlt worra-n-ìsch. Ìm Dezamber 2021 hàt sa àn dr Sandung Ein Herz für Kinder tailgnumma un hàt doo 50.000 Öiro gschpanda. Ànna 2022 hàt sa ìn dr gliicha Sandung mìt ìhrer Firma 100.000 Öiro gschpanda.[16]

Ìm Àwrìl 2021 ìsch a Zammaschàffa mìt da US-àmerikànischa Rapperinna Saweetie un Doja Cat ààkìndigt worra. ’S ìsch a näija Wärsioon vun dr Doja Cat ìhrem Liad Best Friend, wu d’ Krasavice z’ loosa-n-ìsch. Aina Wucha noh dr Veräffentligung ìsch s’ Liad uff Plàtz 1 ìn da diitscha Sìnggelcharts gsìì.[17] Noh dr Änthìllun vu dr Tìtellischta hàt d’ Krasavice ärfàhrt, àss dr Haiyti, ìhr drìtter Gàscht uff’m Àlbum, homophoba-n-Üssààga getaadigt hatt. Wagadam hàt sa s’ Liad üss’m Àlbum gschtrììcha.[18]

Ìm Hornung 2022 ìsch ìhr drìtt Schtüdioàlbum Pussy Power ärschììna.[19] D’ äärschta nàmmensgliicha Sìnggel ìsch schuu-n-ìm Septamber 2021 veräffentligt worra gsìì un ìsch uff Plàtz 1 vu da diitscha Sìnggelcharts gsìì. Ìm Nowamber 2021 ìsch ìhra zwaita Sìnggel Raindrops zamma mìt dr diitscha Sangera Leony veräffentligt worra — àui dia Sìnggel ìsch uff Plàtz 1 vu da diitscha Sìnggelcharts ànakumma.[20] S’ Àlbum ìsch eewafàlls uff Plàtz 1 ìn Diitschlànd gsìì. Ànna 2023 ìsch d’ Krasavice Mìtglììd gsìì ìm Jury vu dr 20. Schtàffel vu dr Castingshow Deutschland sucht den Superstar.[21]

Ìm März 2023 hàt d’ Krasavice ìhr viart Schtüdioàlbum Ein Herz für Bitches ààkìndigt, wo ìm Septamber 2023 ärschiina soll.[22] Ìnnerhàlb vu viar Schtunda sìnn 8.000 Àlbumboxa vorb’schtällt worra.[23] D’ äärschta Sìnggel Frauen ìsch ìm Mai 2023 ärschììna un ìsch uff Plàtz 2 vu da diitscha Charts ànakumma. Ìm Jüüli 2023 ìsch d’ zwaita Sìnggel Ich hab den schönsten Arsch der Welt ìn Zammaschàffa mìt’m DJ Felix Jaehn ärschììna — ’s ìsch a Cover vum Liad Du hast den schönsten Arsch der Welt üss’m Joohr 2007.

ìhra Diskogràfii

ändere
Schtüdioàlba
  • 2020: Boss Bitch
  • 2021: Eure Mami
  • 2022: Pussy Power

ìhr Büach

ändere

Weblìnks

ändere
  Commons: Katja Krasavice – Sammlig vo Multimediadateie

Ainzelnoohwiisa

ändere
  1. ↑ Matthias Schmidt: Aschenputtel. Ein krasses Leben: Katja Krasavice erzählt, wie sie aus Demütigungen Kraft zieht. In: stern. Nr. 26, 18. Juni 2020, S. 100–101.
  2. ↑ Gemobbt, bespuckt, geschlagen: Katja Krasavice blickt zurück. 30. Januar 2020, abgruefen am 16. Juli 2023.
  3. ↑ Katja Krasavice: Die Bitch Bibel. riva Verlag, 2020, ISBN 978-3-96775-002-7, S. 208.
  4. ↑ „Promi Big Brother“-Katja Krasavice: Baby-Drama! 27. August 2018, abgruefen am 16. Juli 2023.
  5. ↑ Kerstin Rottmann: Katja Krasavice: „Ich sehe in jedem Mann einen Vater“. In: DIE WELT. 12. Juni 2020 (welt.de [abgerufen am 19. Dezember 2022]).
  6. ↑ Blick: Popcast: Sex-Youtuberin Katja Krasavice geht zu weit – Porno-Talk mit 15-Jähriger on Apple Podcasts. Abgruefen am 10. Oktober 2022 (änglisch).
  7. ↑ Matthias Schwarzer: Katja Krasavice auf Platz eins der Albumcharts: Was hinter dem Phänomen steckt. RedaktionsNetzwerk Deutschland, 9. Februar 2021, abgruefen am 10. Oktober 2022.
  8. ↑ Yannah Alfering: Katja Krasavice im Interview: Das steht in ihrer 'Bitch Bibel'. 9. Juni 2020, abgruefen am 10. Oktober 2022.
  9. ↑ Chartquellen: DE AT CH
  10. ↑ Das waren die Bewohner 2018. Abgruefen am 4. Januar 2021.
  11. ↑ Vertrag mit Warner Music. In: tag24.de. Abgruefen am 1. August 2019.
  12. ↑ Datum der Veröffentlichung ihres Debütalbums. In: bravo.de. Abgruefen am 1. August 2019.
  13. ↑ Spiegel-Bestseller. In: Der Spiegel 25/2020, 13. Juni 2020, S. 115.
  14. ↑ "Eure Mami": Katja Krasavice kündigt neues Album an! Abgruefen am 15. Januar 2021.
  15. ↑ In besonderer Rekordwoche: Katja Krasavice erobert Charts-Thron. Abgruefen am 5. Februar 2021.
  16. ↑ Ein Herz für Kinder: Katja Krasavice spendet Mega-Summe in Live-Show. Abgruefen am 29. Dezember 2021.
  17. ↑ Broilers neue Spitzenreiter der Album-Charts. Abgruefen am 30. April 2021.
  18. ↑ Nach Homophobie-Vorwürfen: Katja Krasavice streicht Track mit Haiyti von neuem Album. 12. Januar 2022, abgruefen am 22. Juli 2022.
  19. ↑ „Pussy Power“: Katja Krasavices nächstes Album steht in den Startlöchern! Abgruefen am 29. Dezember 2021.
  20. ↑ Chartspitze mit „Raindrops“: Katja Krasavice stellt Nummer-1-Rekord auf! Abgruefen am 29. Dezember 2021.
  21. ↑ DSDS-Skandal: Jetzt eskaliert der Jury-Zoff komplett – interne Chats veröffentlicht! In: Hamburger Morgenpost vom 5. Februar 2023.
  22. ↑ Eliran Kendi: „Gigantischer“ Auftritt im Saarland: Stammzellenspenden und Onlyfans im Flash: Katja Krasavice kündigt in St. Wendel Überraschung an. 5. März 2023, abgruefen am 5. März 2023.
  23. ↑ Verkaufszahlen bekannt – Katja Krasavice ist jetzt erfolgreicher als Gzuz und Bonez MC. In: Raptastisch. 5. März 2023, abgruefen am 7. März 2023 (de-DE).
  Dä Artikel basiert uff ere fräie Übersetzig vu dere Version vum Artikel „Katja_Krasavice“ vu de hochdütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Katja_Krasavice&oldid=1051860"