Alemannische Wikipedia

Katrin Bauerfeind

e dütschi Journalisti, Färnsehmoderatori, Entertaineri, Buchautori und Schauspileri

D Katrin Sybille Bauerfeind (* 21. Juli 1982 z Oole[1]) isch e dütschi Journalistin, Färnsehmoderatorin bi private und öffentlich-rächtliche Sänder, Entertaineri, Buchautorin und Schauspileri.

D Katrin Bauerfeind bim Dütsche Comedypriis (2016)

Läbe

ändere

D Bauerfeind isch als Einzelchind[2] z Oole ufgwachse, wo si au s Abi gmacht het.[3] Vo 2003 bis 2007 het si Technikjournalismus an de Hochschuel Bonn-Rhein-Sieg z Sankt Augustin studiert und het mit eme Diplom abgschlosse.

Währed em Studium isch si bimene Casting im Oktober 2005 für di täglichi Internet-TV-Sändig Ehrensenf under 20 wytere Bewärberinne usgsuecht worde. Vo Novämber 2005 bis Juni 2007 het si Ehrensenf moderiert. D Sändig het 2006 de Lead Award i de Kategory WebFeature des Jahres, de Grimme Online Award i de Kategory Kultur und Unterhaltig und de Publikumspriis gwunne.[4] Am 29. März 2007 het d Bauerfeind i de Kategory people de New Media Award übercho.[5] Währed irere Zyt bi Ehrensenf isch si usserdäm für de Radiosänder 1 Live tätig gsi.

Iren erste Färnsehuftritt het si im Februar 2007 gha. Für 3sat het si s tägliche Berlinale-Journal moderiert. Nachhär sind Uftritt i de Sändige TV total (Pro Sieben) und Harald Schmidt (ARD) dezuecho.

Im Juni 2007 isch si für de rbb als Moderatorin vonere Usgaab vom Kulturmagazin Stilbruch und vom 13. Septämber 2007 bis zum 31. Jänner 2008 bim Magazin Polylux im Ersten im Yysatz gsi.[6]

2008 und 2009 het si fürs ZDF d Berlinale-Eröffnigsgala und Priisverleihig moderiert. Äbefalls 2008 und 2009 isch si inere Reisesändig vo 3sat z gseh gsi, wo als Wettränne vo Berlin uf Moskau bzw. vo Ljubljana uf Istanbul konzipiert worden isch.

Währed de Fuessball-EM 2008 het si im ZDF d Sändige Schweiz von A bis Z und Österreich von A bis Z moderiert und di beide Länder humorvoll vorgstellt.[7] Am 2. Juni 2009 het si vor de Europawahl die Sändig EU von A-Z usgstrahlt worde, i dere d Moderatorin di Europäischi Union präsentiert het. Am 28. Novämber 2010 isch uf 3sat die Sendung Deutschland von A-Z gloffe, wo für ne Grimme-Priis i de Kategory Unterhaltig nominiert worden isch.[8][9]

Am 3. Oktober 2008 het si bi 3sat de Themetag ausgeSCHLAFEN moderiert. D Bauerfeind het deby usprobiert, wie sich Schlafmangel uf de Körper uswürkt. Für das isch si 24 Stunde vor dr Ufzeichnig wach gsi und het währed 24 Stund live moderiert. D Zueschauer hend s Experimänt übers Internet chönne mitverfolge.

Zwüsched 2009 und 2013 het si uf 3sat Bauerfeind moderiert, es eigets Popkulturmagazin.[10] Vo 2009 bis 2011 het si zum Late-Night-Sändigsteam vom Harald Schmidt ghört.[11]

 
D Katrin Bauerfeind uf de IdeenExpo (2011)

Im Mai 2011 het si mit irere Moderation bi de Verleihig vom 7. Henri-Nannen-Preises für Schlagziile gsorget. Für syni Antwort uf e Fraag vo de Katrin Bauerfeind uf de Bühni isch em Gwünner i de Kategory Reportage de Priis nachträglich aberchännt worde.[12]

I de Sändig 3 nach 9 vom 14. Mai 2010 isch sie als Co-Moderatorin debii gsi. Vo März 2008 bis Dezember 2011 het si auf Radio Eins bim rbb im Wächsel mit de Anja Goerz d Sändig Eine Stunde Zeit für die Wuchezytig Die Zeit moderiert und 2011 bis 2013 het ZDFkultur di 14-täglichi Sändig Bauerfeind 28:30 zeigt. Das isch d Langversion vo de Interviews für ires Magazin Bauerfeind gsi. D Sändig isch immer 28 Minute und 30 Sekunde lang gsi. Am 26. August 2013 het si mit em Ingo Zamperoni d Politshow Überzeugt uns! Der Politiker-Check im Erste moderiert.[13] Von April 2014 bis Dezember 2016 war sie Protagonistin der bei 3sat ausgestrahlten Sendung Bauerfeind assistiert.... Im August 2014 het si mit em Jan Böhmermann, de Palina Rojinski und em Jan Köppen drü Probesändige vo de abgsetzte Comedy-Sändig Was wäre wenn? bei RTL moderiert.

Syt März 2018 het d Bauerfeind en Podcast under em Titel Frau Bauerfeind hat Fragen.[14] Syt Februar 2019 moderiert si d Talkshow Bauerfeind – Die Show zur Frau bim MDR und One.[15] Am 23. September 2019 het de Streamingdienst Joyn di ersti Staffle vo de Comedy-Färnsehserii Frau Jordan stellt gleich. D Katrin Bauerfeind spilt d Hauptrolle als Gliichstelligsbeufträiti.[16] Bi Pro Sieben moderiert si d Finalrundi vo de Quizsändig Wer stiehlt mir die Show?, wo syt Aafang 2021 lauft.[17]

Filmografy

ändere
  • 2010: Liebe und andere Delikatessen, Gastuftritt
  • 2012: Halbe Hundert
  • 2013: König von Deutschland
  • 2014: Zorn (Färnsehreihe; Folge: Zorn – Tod und Regen|Tod und Regen)
  • 2014: Nachtschicht (Färnsehreihe; Folge: Wir sind alle keine Engel)
  • 2016: Der Zürich-Krimi (Färnsehreihe; Folg: Borcherts Fall)
  • 2017: You Are Wanted (Amazon-Serie)
  • 2019: Spuren des Bösen (Färnsehreihe; Folg: Sehnsucht)
  • sit 2019: Frau Jordan stellt gleich (Färnsehserii)
  • sit 2021: Wer stiehlt mir die Show? (Moderatorin im Finale)

Hörspiil

ändere

Büecher

ändere
 
D Katrin Bauerfeind binere Buechläsig z Magdeburg (2014)
  • Mir fehlt ein Tag zwischen Sonntag und Montag: Geschichten vom schönen Scheitern. Fischer Taschenbuch, Frankfurt am Main 2014, ISBN 978-3-596-19891-7.
  • Hinten sind Rezepte drin: Geschichten, die Männern nie passieren würden. Fischer Taschenbuch, Frankfurt am Main 2016, ISBN 978-3-596-03396-6.
  • Alles kann, Liebe muss: Geschichten aus der Herzregion. S. Fischer, Frankfurt am Main 2018, ISBN 978-3-10-397340-2.
ändere
  Commons: Katrin Bauerfeind – Sammlig vo Multimediadateie

Einzelnachwys

ändere
  1. ↑ Katrin Bauerfeind im Munzinger-Archiv, abgruefen am 23. März 2016
  2. ↑ https://www.noz.de/deutschland-welt/medien/artikel/1175354/katrin-bauerfeind-habe-pretty-woman-20-mal-gesehen
  3. ↑ Mir fehlt ein Tag zwischen Sonntag und Montag. Geschichten vom schönen Scheitern, S. 25.
  4. ↑ Preise für „Ehrensenf“ und „Spreeblick“. In: FAZ.net. 2. Juni 2006, abgruefen am 13. Dezember 2014.
  5. ↑ New Media Award 2007 – Pressemitteilung (PDF; 32 kB)
  6. ↑ „Ich bin jetzt weise“. In: tagesspiegel.de. Abgruefen am 13. Dezember 2014.
  7. ↑ Schweiz und Österreich „von A bis Z“. Katrin Bauerfeind erkundet im ZDF die EM-Ausrichterländer
  8. ↑ www.quotenmeter.de
  9. ↑ www.grimme-institut.de (Memento vom 29. Dezämber 2010 im Internet Archive)
  10. ↑ DWDL.de: 3sat: Bauerfeind bekommt eigenes Popkulturmagazin
  11. ↑ Solo mit Dame. In: Spiegel Online. 7. September 2009, abgruefen am 13. Dezember 2014.
  12. ↑ Christopher Keil: Henri-Nannen-Preis: Ehrung aberkannt – Die Jury legt nach. In: sueddeutsche.de. 11. Mai 2011, abgruefen am 13. Dezember 2014.
  13. ↑ Programmhinweis auf der Internetpräsenz der ARD (abgerufen am 27. August 2013)
  14. ↑ „Frau Bauerfeind hat Fragen“. In: Audible Magazin. (audible.de [abgerufen am 12. März 2018]).
  15. ↑ One und MDR machen „Die Show zur Frau“ mit Bauerfeind. Abgruefen am 10. Februar 2019.
  16. ↑ Westfälische Nachrichten: „Comedy statt Feminismus-Serie“ – Beim Streamingsdienst Joyn startet die Serie „Frau Jordan stellt gleich“ mit Katrin Bauerfeind, Medien, Markus Schu, 21. September 2019
  17. ↑ DWDL de GmbH: Bereit für die längste Showtreppe des deutschen Fernsehens? Abgruefen am 5. Januar 2021.
  Dä Artikel basiert uff ere fräie Übersetzig vum Artikel „Katrin_Bauerfeind“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Katrin_Bauerfeind&oldid=1031115"