Alemannische Wikipedia

Kim de l’Horizon

Kim de l’Horizon (* 9. Mai 1992 z Oschtermundige bi Bärn) isch s Pseudonym vun ere nitbinäre schwyzerische Person, wu unter eme Anagramm vu irem Geburtsname Lyrik, Prosa un Theaterstuck verfasse duet.[1]

s Kim de l’Horizon bi dr Frankfurter Buechmäss 2022

Lääbe ändere

S Kim de l’Horizon isch z Oschtermundige ufgwagse un isch z Winterthur uf s Gimnasium gange.[2] Z Züri het s ab 2012 Germanischtik, Film- un Theaterwisseschafte studiert.[3][2] Derzue het s 2020 e Studium fir literarisch Schrybe am Literaturinschtitut z Biel gmacht.[4]

Noch em Bachelorabschluss het s dr Masterstudiegang Transdisziplinarität an dr Zürcher Hochschuel vu dr Chinscht gmacht.[5] Äs isch Mitglid vum Kollektiv «e0b0ff» un vu dr Redakzion vum Literaturmagazin «delirium».[6] In dr Spiilzyt 2021/22 het s de l’Horizon d «Huusautoreschaft» im Rame vum Ferderprogramm «Stück Labor» an dr Bihne Bärn ibernuu.[7]

S de l’Horizon het verschideni Prys gwunne, dodrunter 2015 dr Trybhuus-[2][8] un dr OpenNet-Wettbewärb vu dr Soledurner Literaturdäg fir Prosa, dr Täxtstraich-Wettbewärb fir Lyrik, dr Ferderprys Drameprozässer 2020 vum Theater Winkelwise un e Churzfilmwettbewärb vu dr Hannoversche Allgemeine Zeitung. S het derzue au ne Stipändium vi dr Ernst Göhner Stiftig fir Chunschtschaffendi in Uusbildig iberchuu.[9]

Fir sy Roman-Debüt Blutbuch, e Autofikzion,[10] isch s de l’Horizon 2022 mit em Dytsche Buechprys uuszaichnet wore[11] un vorhär scho mit em Literaturprys vu dr Jürgen Ponto-Stiftig.[12] D Buechprys-Jury het iber s Buech gschribe:

„Mit einer enormen kreativen Energie sucht die non-binäre Erzählfigur in Kim de l’Horizons Roman Blutbuch nach einer eigenen Sprache. […] Welche Narrative gibt es für einen Körper, der sich den herkömmlichen Vorstellungen von Geschlecht entzieht? […] Jeder Sprachversuch, von der plastischen Szene bis zum essayartigen Memoir, entfaltet eine Dringlichkeit und literarische Innovationskraft, von der sich die Jury provozieren und begeistern ließ.“[3]

Am 20. Novämber 2022 het Blutbuch au dr Schwyzer Buechprys iberchu. D Jury het drzue gsait:

„Kim de l’Horizon hat in ‹Blutbuch› eine non-binäre Erzählfigur geschaffen, die sich in die eigene Kindheit begibt und ihrer Familiengeschichte nachgeht. Was geschieht, wenn gesellschaftliche Normen gebrochen werden? Wenn über Gewalt nicht gesprochen wird? Kim de l’Horizon verwandelt Erfahrung in Literatur – eigene Erfahrung und die Erfahrung von Mutter, Grossmutter und der Frauen davor. Auf dieser Suche probiert Kim de l’Horizon verschiedene Sprachen, Stimmen und Register aus. ‹Blutbuch› gibt keine Antworten, sondern stellt die Fragen immer wieder neu. Mit diesem Roman hat Kim de l’Horizon erzählerisches Neuland betreten.“[13]

Uusgläseni Wärch ändere

  • Dominik Holzer: Finite Incantatem oder Schmetterling zerhauen. In: Literarischer Monat. Ausgabe 23, Dezember 2015.
  • Hänsel & Greta & The Big Bad Witch, Eine Weltrettung in 13 Übungen. Theaterstück, 2022.[14]
  • Blutbuch. Roman, DuMont Verlag, Köln 2022, ISBN 978-3-8321-8208-3.[15][16]

Weblink ändere

Fueßnote ändere

  1. ↑ Céline Graf: Roman von Kim de l’Horizon: Wie die Vergangenheit in die Gegenwart reinfuckt, derbund.ch, 25. Septämber 2022
  2. ↑ 2,0 2,1 2,2 Dominik Holzer, literarischermonat.ch.
  3. ↑ 3,0 3,1 Auftakt der Frankfurter Buchmesse: Für »Blutbuch« erhält Kim de l'Horizon den Deutschen Buchpreis: »Dieser Preis ist nicht nur für mich«: Aus Solidarität, spiegel.de, 17. Oktober 2022
  4. ↑ Céline Graf: Geschlechternormen rütteln: Seine Schönheit liegt dazwischen, derbund.ch, 24. September 2020.
  5. ↑ Kim de l’Horizon, schauspielhaus.ch
  6. ↑ Textstreich in: 15. Thuner Literaturfestival 6.–8. März 2020 – Literaare, PDF-Datei, S. 9 uf literaare.ch
  7. ↑ Stücklabor Basel – Kim de l’Horizon, Hausautor:in an den Bühnen Bern 2021/22. stuecklaborbasel.ch, abgruefen am 18. Oktober 2022.
  8. ↑ Ausgezeichnet, Treibhaus, Ausgabe 23 – Dezember 2015, Finite Incantatem oder Schmetterling zerhauen von Dominik Holzer, literarischermonat.ch
  9. ↑ Deutscher Buchpreis – Kim de l’Horizon: „Blutbuch“, detektor.fm, 23. Augschte 2022.
  10. ↑ Roman «Blutbuch» - Kim de l'Horizon steigt auf – und ist schwer zu greifen, Radio SRF 2 Kultur, Kultur-Nachrichten, srf.ch, 21. Septämber 2022.
  11. ↑ Kim de l’Horizon gewinnt Deutschen Buchpreis In: Tagesschau (ARD) vum 17. Oktober 2022.
  12. ↑ Der Schweizer Autor Kim de l'Horizon erhält den Literaturförderpreis 2022 der Jürgen-Ponto-Stiftung, ch-cultura.ch/de
  13. ↑ Kim de l‘Horizon gewinnt den Schweizer Buchpreis 2022. In: schweizerbuchpreis.ch. 20. Novämber 2022.
  14. ↑ Hänsel & Greta & The Big Bad Witch: Eine Weltrettung in 13 Übungen von Kim de l'Horizon, buehnenbern.ch, 22. September 2022
  15. ↑ Anja Kümmel: Das ist der superqueere Roman auf der Shortlist des Deutschen Buchpreises, Queer.de, 20. September 2022, abgruefen am 17. Oktober 2022.
  16. ↑ Nora Eckert: Gender-Trouble à la Suisse. In: literaturkritik.de. 17. Oktober 2022 (literaturkritik.de [abgerufen am 17. Oktober 2022] Rezension von: Blutbuch. Roman).
  Dä Artikel basiert uff ere fräie Übersetzig vu dere Version vum Artikel „Kim_de_l’Horizon“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Kim_de_l’Horizon&oldid=1043454"