Dr kommunistisch Anarchismus
Dr kommunistische Anarchismus (au Anarchokommunismus, Anarchistische Kommunismus, freihäitlige Kommunismus oder libertääre Kommunismus) isch e politischs Konzept vom Anarchismus, noch däm dr Staat und dr Kapitalismus überwunde und dur Netzwärk vo freiwillige Veräinigunge, Arbeiterrööt und gmäinschaftlige Kommune sölle ersetzt wärde.
Historischi Entwicklig
ändereD Arbäiterbeweegig in dr erste Helfti vom 19. Joorhundert isch seer autoritäär gsi. Erst wo 1841 L’Humanitaire uusechoo isch, häi freihäitligi und antiautoritääri Stimme chönne ghöört wärde, aber scho noch zwäi Usgoobe isch d Zitig underdruckt worde.[1]
1876 het d Grubbe »L’Avenir« mit em Adrien Perrare, Francois Dumartheray und T. Colonna vor de franzöösische Waale d Grundzüüg vom ene »communisme anarchiste« veröffentligt.[2]
Dr Vordänker vo deere Ströömig isch dr russisch Anarchist Pjotr Kropotkin gsi, wo dänkt het, ass dr Anarchismus und dr Kommunismus num zämme chönne funkzioniere. Dr Kropotkin und anderi kommunistischi Anarchiste häi s Konzept vom Kommunismus kritisiert, wie s dr Marxist Lenin wääred dr russische Revoluzioon propagiert het, und häi daas as „Staatssozialismus“ bezäichnet und as totalitäär und elitäär abgleent.[3]
S Konzept
ändereAnarchokommunistischi Vorstellige si konzepzionell mit de Ideä vo dr anarchosündikalistische Beweegig verwandt. Si zien d Sälbstverwaltig vo de Arbäiter in de Betriib dr Füerig dur e revoluzionääri Klassepartei oder parlamentarischi „Verdrätig“ vo de Inträsse vo de Arbäiter vor. Si wäi eso verhindere ass noch ere soziale Revoluzioon nöiji Herrschaftsforme entstöön. Eso gränze si sich ab gege dr bürgerlig Reformismus wien er öbbe in dr Weimarer Republik existiert het und au gegen e Marxismus.
D Gsellschaftsornig vom kommunistische Anarchismus isch herrschaftsfrei, egalitäär und sälbstverwaltend und het käini hierarchische Strukture und Gsetz. Dr Riichdum vo dr Gsellschaft wurd dur die freiwilligi und solidarischi Form vom Wirtschafte grächt verdäilt. S Brivatäigedum söll abgschafft wärde. Was dr äinzelni brucht, söll dr Maasstaab si, wil mä dr Wärt vo dr Arbet vom Äinzelne nid objektiv cha berächne, und wemm män en festläit, wer daas willkürlig und autoritäär. Dr Äinzelni söll sich frei chönne entfalte und si Freihäit wird nume begränzt, wenn si d Freihäit vo de andere stöört.[2]
Litratuur
ändere- Alexander Berkman: ABC des Anarchismus. ISBN 3-931786-00-5, Onlineversion
- Peter Kropotkin: Die Eroberung des Brotes. ISBN 3-922209-08-4
- Erich Mühsam: Die Befreiung der Gesellschaft vom Staat. Was ist kommunistischer Anarchismus? 1932. Volltext auf Wikisource
- Max Nettlau: Geschichte der Anarchie, Band 1 + 2
Weblingg
ändere- Peter Kropotkin: Die kommende Revolution Einführung in den anarchistischen Kommunismus in Kropotkins eigenen Worten
- Eine Welt zu gewinnen! Artikel über Anarchokommunismus
- Wayne Price: Was ist anarchistischer Kommunismus? uf Anarkismo.net
Fuessnoote
ändere- ↑ M. Nettlau: Der Vorfrühling der Anarchie. Ihre historische Entwicklung von den Anfängen bis zum Jahre 1864. (Geschichte der Anarchie. Bd. 1) Topos Verlag, Vaduz 1984, S. 138–141
- ↑ 2,0 2,1 M. Nettlau: Der Anarchismus von Proudhon zu Kropotkin. Seine historische Entwicklung in den Jahren 1859–1880. (Geschichte der Anarchie. Bd. 2) Topos Verlag, Vaduz 1984, S. 228 f.
- ↑ Peter Kropotkin – Brief an Lenin (1920). Archiviert vom Original am 22. August 2007; abgruefen am 10. Februar 2013.
|
Dä Artikel basiert uff ere fräie Übersetzig vum Artikel „Kommunistischer_Anarchismus“ vu de dütsche Wikipedia. E Liste vu de Autore un Versione isch do z finde. |