Komos

De Komos (altgriech. κῶμος) isch im antike Griecheland en Art Festumziig gsii, wo d Mentsche zo de Musig vo Kithara, Flööte und Gsang tanzt hend. Nochem Mythos het de Hermes d Lyra erfunde und die em Apollon gschenkt, demit er die zom Komos spile chönn.

e Komos ufere attische Amphore, ca. 560 v. Chr.

De Komos isch i de Vereerig vom Dionysos verbraitet gsii, hett aber o spontaan nochemene Fest oder Symposion stattfinde chöne, wie de Komos vom Alkibiades, wo de Platon bischribe hett. Er isch bi Hoochzig biliebt gsii und ufem Schild vom Herakles söll e Hochzigkomos abbildet gsii sii. Sowisoo isch er gern uf Vaase abbildet wore. Z Sparta isch de Komos verbotte gsii.

Literatur

• Fritz Graf: Komos. In: Der Neue Pauly (DNP). Band 6, Metzler, Stuttgart 1999, ISBN 3-476-01476-2, Sp. 705–706.

Lingg

• Komos - Rauschtanz und nächtliches Schwärmen