Konrad Bänninger

Der Konrad Bänninger (* 15. Septämber 1890 z Züri; † 25. Augschte 1981 z Bülach) isch e Schwiizer Dichter gsi.

sis Lääbe und Wärch

Der Konrad Bänninger isch anne 1890 im Ängikwartier z Züri uf d Wält cho. Er het s Lehrerseminar psuecht und a der Uni Züri d Sprooch Sanskrit studiert. Dänn het er als Lehrer z Uschter gschaffet, und vo 1925 aa het er als freie Schriftsteller z Züri und e Zytlang au z Wien und z Schottland gläbt und spööter wider als Seklehrer gschaffet.

Em Bänninger sini Gedicht und filosofischen Uufsetz, wo fasch alls uf Hochdüütsch gschriben isch, sind gly wytume bekant gsi.

Es Mundartgedicht vo ihm isch der Värs vom Spilzüügschiffli:

I han e chlyses Schiffli,
i gahne mit zum See
und gib em dänn es Püffli,
dänn fahrt s devo, juhee!
Im Schiffli staht en Fahne,
de fladeret hin und her,
es tuet mi ganz dra mahne,
wie wänn s es Dampfschiff wär.

Literatur

• Der Schriftsteller in unserer Zeit. Schweizer Autoren bestimmen ihre Rolle in der Gesellschaft. Bern 1972
• Charles Linsmayer: Gesichter der Schweizer Literatur. 150 Kurzportraits von Melinda Nadj Abonji bis Albin Zollinger. Zürich 2015