LägereBräu


S LägereBräu isch e Wettiger Brauerei, wo im 2000 entschtande-n-isch u sit em 2008 en AG isch. S Bier wird i de alte Spinnerei z Wettige produziirt.

Lägerebräu
S Schild näbem Iigang zu de Brauerei
Unternähmensform Akziegsellschaft
Gründig 2000
Sitz Wettige
Branche Lääbensmittel
Uffdritt im Netz D Website vo de LägereBräu

GschichtBearbeite

D Aafäng vo de Brauerei liget im Johr 2000. De Thomas Benz vo Wettige het aagfange dihei sis eigni Bier z braue. Über e 40-Liter Brauaalag im 2001 zu ere 120-Liter-Aalag im 2004 isch di chlii Brauerei, wo sich sit em 2001 LägereBräu gnennt het, immer witer gwachse (Lägere isch übrigens en Hügelzug, wo im nordoschte vo Wettige liit). Vo de Chuchi bim Thomas Benz sine Ältere über s Casino z Wettige isch d Brauerei im 2006 i de Herterehof z Wettige züglet. Wil de Absatz vom Bier schtändig gschtige isch, het me im 2008 d Gsellschaftsform vo de Brauerei in e AG geändret. Sither wird s Bier uf de Wettiger Chloschterhalbinsle i de alte Spinnerei brauet.

ProduktBearbeite

Am Aafang isch numme eis Bier hergschtellt worde, s LägereBräu Original, wo es unfiltriirts milds Bier isch. Sit em Juni 2009 gits au es Weizebier. Es Spezialbiir, wo e birebizeli Honig dinne isch, heisst wie s Chloschter Wettige Maris Stella. In de letschte Johr het d Brauerei ständig erwiteret, so dass es in de Zwischeziit au es Pale Ale, es Indian Pale Ale und es Espresso Stout git.

WeblinkBearbeite

  Commons: Lägerebräu – Sammlig vo Multimediadateie