Léandra Olinga Andela
D’ Léandra Olinga Andela (* 12. Àuigscht 1997 z’ Yaoundé, Kàmerun) ìsch a frànzeesch-kàmerunischa Volleybàllschpìelera. Àls Mìttelblockera schteht sa sitter 2018 biim Verain Mulhouse Alsace Volley z’ Mìlhüüsa unter Vertrààg. Sitter 2019 ìsch sa àui Mìtglìed ìn dr frànzeescha Nàzionààlmànnschàft, mìt wäller sa ànna 2022 d’ Öiropäischa Liga gwunna hàt.
| Léandra Olinga Andela | |
| |
| D’ Léandra Olinga Andela zamma mìt’m ASPTT Mulhouse ànna 2018 | |
| Porträt | |
|---|---|
| Geburtsdag | 12. Àuigscht 1997 |
| Geburtsort | Yaoundé, Kamerun |
| Greßi | 1,85 m |
| Position | Mìttelblockera |
| Verain | |
| 2015–2018 sitter 2018 |
Évreux Volley-Ball Mulhouse Alsace Volley |
| Nationalmannschaft | |
| sitter 2019 | A-Nàzionààlmànnschàft |
| Erfolg | |
| 2021 2021 2021 2022 |
frànzeescha Maischtera Frànkrììch-Pokàl-Siigera Frànkrììch-Schpìtzapokàl-Siigera Öiropäischa Liga (Siigera) |
|
Stand: 17. Jüüli 2022 | |
| Dialäkt: Mìlhüüserdiitsch |
ìhra Laawa un Kàrriar
ändereD’ Léandra Olinga Andela ìsch ànna 1997 z’ Yaoundé, dr Hàuiptschtàdt vum Kàmerun, uff d’ Walt kumma.[1] Ìhra Vàtter ìsch Berüaf-Füassbàlschpìeler gsìì. Mìt 6 Joohra-n-ìsch sa ìm Septamber 2003 ìns Frànkrììch üüssgwàndert.[2] D’ frànzeescha Schtààtsbìrgerchàft hàt sa numma-n-àm 11. Àwrìl 2019 bikumma.[1]
Ìhr äärschter Schpìel ìn dr frànzeescha Profiliga hàt d’ Olinga Andela mìt’m Verain Évreux Volley-Ball gschpìelt, wu sa numma 14 Joohra àlt gsìì-n-ìsch. Drnooh ìsch sa àm federààla Pôle Espoirs z’ Sablé-sur-Sarthe üüssgebìlda worra, un schpeeter àui àm Federààla Volleybàll-Ìnschtitüüt (FIVB) z’ Toulouse.[2] Sa ìsch d’ ainziga-n-üüsslandischa Schpìelera, wo-n-àm FIVB a Üüssbìldung bikumma hàt.[3]
Ànna 2015/16 hàt d’ Olinga Andela-n-a Vertrààg bii Évreux Volley-Ball unterzaichent. Mìt dam Verain ìsch sa ànna 2016/17 uff Plàtz 9 vu dr frànzeescha Maischterschàft so wia vum Frànkrììch Pokàl ànakumma. Ìm naachschta Joohr ìsch sa bis àm Plàtz 5 vum Frànkrììch-Pokàl glunga. Obwohl ìhra Verain ànna 2017/18 numma-n-uff Plàtz 11 vu dr frànzeescha Maischterschàft ànakumma-n-ìsch, ìsch d’ Olinga Andela àls bäschta Mìttelblockera Maischterschàft ärnännt worra.[2]
Ìm Joohr 2018/19 ìsch d’ Onliga Andela ìn dr owerelsassischa Verain ASPTT Mulhouse gànga ge schpìela. Ìn ìhrer äärschta Saison mìt’m Verain ìsch sa uff Plàtz 3 vu dr frànzeescha Maischterschàft un vum Frànkrììch-Pokàl ànakumma, so wia-n-uff Plàtz 5 vum öiropäischa CEV-Pokàl. Ànna 2019/20 ìsch sa uff Plàtz 3 vu dr frànzeescha Maischterschàft gsìì. Àm And vu dr Saison ìsch d’ Olinga Andela d’ ainziga Mìttelblockera-n-ìm ASPTT Mulhouse gsìì, dänn d’ Olha Tratsch un d’ Indy Baijens hann dr Verain fàraloo ghàà. Sa hàt àlso ìhra Vertrààg biim Mìlhüüser Verain fìr ain Joohr verlängert[4] un ìsch Kàpitään vu dr Mànnschàft worra.[5] Àm 15. Dezamber 2020 ìsch sa jedoch àm lìnka Knia verlätzt worra un hàt fìr dr Rascht vu dr Saison nìt känna schpìela.[6][5] Trotzdam ìsch dr Verain frànzeescher Maischter un Siiger vum Frànkrììch-Pokàl worra. Fìrs naachschta Joohr hàt sa nochamol ìhra Vertrààg biim Mìlhüüser Verain verlängert.[5] Ìm Septamber 2021 ìsch d’ Olinga Andela z’ruck uff’m Schpìelfald gsìì,[7] un ìsch ìn dara Saison aina vu da dräi Mìlhüüser Mìttelblockera gsìì —naawa dr Georgia Lamprousi un dr Silke Van Avermaet.[5] Ìm Oktoower 2021 hàt sa mìt’m Verain dr Frànkrììch-Schpìtzapokàl geega d’ Béziers Angels gwunna (3–0).[8] Ànna 2022/23 ìsch sa biim Verain Mulhouse Alsace Volley blìewa.[9][10]
Sitter Mai 2019 ìsch àui d’ Olinga Andela Mìtglìed ìn dr frànzeescha Nàzionààlmànnschàft.[4] Ànna 2022 hàt sa zamma mìt dr frànzeescha Mànnschàft d’ Guldiga-n-üüsszaichnung àn dr Öiropäischa Liga bikumma.[11] Drzüa ìsch sa mìt’m Frànkrììch uff Plàtz 9 vu da Mìttelmeerschpìeler 2022 ànakumma.
Weblìnks
ändere
Commons: Léandra Olinga Andela – Sammlig vo Multimediadateie- D’ Léandra Olinga Andela bii dr CEV-Maischerliga (anglisch)
- D’ Léandra Olinga Andela bii Mulhouse Alsace Volley (frànzeesch)
- D’ Léandra Olinga Andela bii WorldOfVolley (anglisch)
- D’ Léandra Olinga Andela bii VolleyBox (hoochdiitsch)
Ainzelnoohwiisa
ändere- ↑ 1,0 1,1 S.P.: Léandra Olinga-Andela naturalisée Française. In: L’Alsace. 22. April 2019, abgruefen am 17. Juli 2022 (französisch).
- ↑ 2,0 2,1 2,2 Christian Entz: Léandra Olinga Andela reste à l’ASPTT Mulhouse. Mulhouse Alsace Volley, 4. Juni 2022, abgruefen am 17. Juli 2022 (französisch).
- ↑ Marc Calogero: Léandra Olinga-Andela, l’exception française de l'ASPTT Mulhouse. In: L’Alsace. 5. November 2021, abgruefen am 17. Juli 2022 (französisch).
- ↑ 4,0 4,1 Maxime Ducap: Mulhouse : Léandra Olinga Andela pour un an de plus. In: Alsa’Sports. 17. Mai 2020, abgruefen am 17. Juli 2022 (französisch).
- ↑ 5,0 5,1 5,2 5,3 Léandra Olinga-Andela rempile à l’ASPTT Mulhouse. In: L’Alsace. 26. Mai 2021, abgruefen am 17. Juli 2022 (französisch).
- ↑ Fin de saison pour Léandra Olinga Andela (Mulhouse), blessée au genou gauche. In: L’Équipe. 17. Dezember 2020, abgruefen am 17. Juli 2022 (französisch).
- ↑ Marc Calogero: Asptt Mulhouse : Capitaine Léandra est de retour. In: L’Alsace. 11. September 2021, abgruefen am 17. Juli 2022 (französisch).
- ↑ Volleyball - Super Coupe de France Féminine - 2021/2022 - Tableau de la coupe. In: les-sports.info. Abgruefen am 17. Juli 2022 (französisch).
- ↑ Léandra Olinga Andela prolonge à l'ASPTT Mulhouse. In: L’Alsace. 4. Juni 2022, abgruefen am 17. Juli 2022 (französisch).
- ↑ Sudo: [LAF] Transferts et rumeurs 2022-2023. In: Block-Out. 28. März 2022, abgruefen am 17. Juli 2022 (französisch).
- ↑ Une victoire historique en Golden League pour Léandra Olinga-Andela et Isaline Sager-Weider. In: Dernières Nouvelles d’Alsace. 19. Juni 2022, abgruefen am 17. Juli 2022 (französisch).