Alebock

Alebock
Alebock (Larus ridibundus)
Systematik
Ordnig: Regepfiferartigi (Charadriiformes) Familie: Mööfe (Laridae) Gattig: Chroicocephalus Art: Alebock
Wüsseschaftlige Name
Chroicocephalus ridibundus
Linnaeus 1766

De Alebock (Larus ridibundus; alemanischi Näme) isch e Vogel wo in Mitteleuropa dor s ganz Joor vorchunnt. Aleböck, wo do brüetet vrbringet de Winter am Mittelmeer, deföör sind vom Dezember bis in Horner Aleböck us Osteuropa bi üüs Wintergäst, wo ufem See öberwinteret oder alefalls au ufem Iis hocket.

Chroicocephalus ridibundus

Larus ridibundus

Uussie

De Alebock isch e wiisse Vogel mit eme röötsche Schnabel. Hinderem Aug het er e dunkle Tupfe. D Flögel sind hellgrau und de Schwanz brüülich. Er werd 35 bis 39 cm grooss. I de Bruetziit hend Aleböck e bruune Chopf.

Verbraitig

De Alebock chunnt a Seeje und Flüss vor und bsunder hüüffig a de Chüste. Si sitzed uf Flööss, Booie, Dämm und Pföste, wo bim Wasser stönd. Aleböck sind gschickti Flüüger und chönd i de uft stoobliibe, au wen e starche Loft goot. Si fresset Insekte, Fisch, Aas und au essbare Güsel vo de Mensche. Uf früsch pflüegter Äcker sammlet er Regewörmer.

Brüete tüend Aleböck a Gwässer mit ere starche Vegetation und bildet groosi Bruetkolonie.

Literatur

• Hans-Günther Bauer, Einhard Bezzel, Wolfgang Fiedler (Hrsg): Das Kompendium der Vögel Mitteleuropas: Alles über Biologie, Gefährdung und Schutz. Band 1: Nonpasseriformes – Nichtsperlingsvögel, Aula-Verlag Wiebelsheim, Wiesbaden 2005, ISBN 3-89104-647-2.
• Einhard Bezzel: Kompendium der Vögel Mitteleuropas. Nonpasseriformes - Nichtsingvögel. Aula, Wiesbaden, 1985, ISBN 3-89104-424-0, S. 526–531.
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
• L. Svensson, P. J. Grant, K. Mullarney, D. Zetterström: Der neue Kosmos Vogelführer. Kosmos, Stuttgart, 1999, ISBN 3-440-07720-9, S. 170–171.

Weblink

 Commons: Lachmöwe – Sammlig vo Multimediadateie

• Larus ridibundus in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 13. Oktober 2008
• Video, Foto und Tonufnahme zue Larus ridibundus in dr Internet Bird Collection
• J. Blasco-Zumeta, G.-M. Heinze: Alters- und Gschlechtsmerkmol (PDF; 2.0 MB)
• Federen vom Alebock