Lachsfisch

Bachsaibling (Salvelinus fontinalis)

Systematik

Chlass:	Strahleflosser (Actinopterygii)
Underchlass:	Neuflosser (Neopterygii)
Deilchlass:	Ächti Chnochefisch (Teleostei)
Überordnig:	Protacanthopterygii
Ordnig:	Lachsartigi (Salmoniformes)
Familie:	Lachsfisch

Wüsseschaftlige Name

Salmonidae

D Familie vo de Lachsfisch (Salmonidae), au Salmonide, Forällefisch oder Edelfisch gnennt, umfasst e Hufe Gattige und Arte vo beliebte Spiisfisch, wie Lachs, Forälle, Ränke und Äsche. Si isch die einzigi Familie vo de Lachsartige (Salmoniformes) und wird in die drei Underfamiliene Coregoninae, Salmoninae und Thymallinae iideilt.

Verbreitig

D Lachsfisch hai ursprünglig usschliesslig uf dr nördligen Ärdhalbchugele gläbt, z Europa, Asie, mit Usnahm vo dr Arabische Halbinsle, vom Indische Subkontinänt und Südostasie, im westlige und nördlige Nordamerika, uf Island und an dr Küste vo Grönland. Lachsfisch läbe äntwäder ihr ganzes Läbe im Süesswasser oder si Wanderarte, wo im Süesswasser uf d Wält chömme, denn in s Meer wandere, dört e baar Johr läbe und zum Laiche wider zrugg in ihri Geburtsgwässer wandere. Z Europa git s sächs heimischi Arte und no sächs anderi, wo vom Mensch us Nordamerika iigfüehrt worde si.

Litratur

Kurt Fiedler: Lehrbuch der Speziellen Zoologie. Band 2: Dietrich Starck (Hrsg.): Wirbeltiere. Teil 2: Fische. Gustav Fischer, Jena 1991, ISBN 3-334-00338-8.
Joseph S. Nelson: Fishes of the World. 4th edition. John Wiley & Sons, Hoboken NJ 2006, ISBN 0-471-25031-7.
Peter S. Maitland, Keith Linsell: Süßwasserfische. Alle Arten Europas gezeichnet. Kosmos, Stuttgart 2007, ISBN 978-3-440-10962-5.

Weblingg

Commons: Lachsfisch – Sammlig vo Multimediadateie

Salmoniformes uf Fishbase.org (englisch)

Salmonidae uf Fishbase.org (englisch)