Dr Lamisch Chrieg
Dr Lamisch Chrieg (altgriech. Λαμιακόν πόλεμος, Lamiakón pólemos) isch e milidäärischi Usenandersetzig im antike Griecheland im 4. Joorhundert vor dr Zitewändi gsi. E Bündnis vo griechische Stadtstaate under dr Füerig vo Athen het sich ooni Erfolg gege d Hegemonii vo Makedonie erhoobe.
| Lamisch Chrieg | |||||||||
|---|---|---|---|---|---|---|---|---|---|
 S Riich vom Alexander em Groosse | |||||||||
| |||||||||
| Konfliktparteie | |||||||||
| Hellenebund under dr Füerig vo Athen | Makedonie Boiotie | ||||||||
| Befählshaber | |||||||||
| Hypereides † Leosthenes † Antiphilos Menon vo Farsalos † |
Antipater Leonnatos † Krateros Kleitos dr Wissi Polyperchon | ||||||||
Dr Naame vom Chrieg stammt us dr Biografii vom Fokion vom Autor Plutarch. In meerere zitgenössische Inschrifte wird er as „Chrieg vo de Hellene“ (altgriech. Ἑλληνικοῦ πολέμου) bezäichnet.[1][2] Dr politisch Füerer vo Athen, dr Hypereides, het dä Chrieg as Kampf vo de freije Grieche gege Barbare beschriibe.[3]
Dr Chrieg
ändereIm Joor 323 zur Zit vom Dood vom Alexander em Groosse häi sich fast alli Grieche usser de Boioter zämmedoo. Dr athenisch Strateg Leosthenes het bi Plataiai d Boioter gschlaage und denn d Thermopyle bsetzt. Dr Makedonier Antipater isch mit ere Armee dur Thessalie marschiert und het sich im Winder in Lamia verschanzt, wo as äinzigi thessalischi Stadt iim iiri Door ufdoo het, und isch vo de Grieche belaageret worde. Dr Leonnatos het in dere Zit en Armee vo 20'000 Makedonier über e Hellespont und dur Thessalie gfüert. D Grieche häi d Belaagerig vo Lamia abbroche und dr Leonnatos im Früelig 322 gschlaage. Underdesse het dr Antipater si Armee us Lamie zum Fluss Pinios chönne zruggfüere und het dört uf d Versterkig vom Krateros gwartet. In dr Seeschlacht bi Amorgos häi d Makedonier under em Kleitos em Wisse die athenischi Flotte vernichdet und d Grieche häi müesse brobiere, d Makedonier uf Land z schloo. Am 6. August si si mit 25'000 Infanteriste und 3'500 Kavalleriste bi Krannon ere makedonische Übermacht vo 40'000 Infanteriste, 3'000 Bogeschütze und Speerwärfer und 5'000 Kavalleriste gegenübergstande. D Makedonier häi d Schlacht zwar gwunne, aber die griechischi Armee het sich chönne zruggzie. D Makedonier häi denn Thessalie Stadt um Stadt erooberet und dr Hellenebund isch usenandergheit. Die griechische Stedt häi sich denn äini um die andere im Antipater underworfe, bis schliesslig nume no d Aitoler übrig gsi si. Die häi zerst non e baar milidäärischi Erfolg gha, si aber schliesslig von ere makedonische Armee under em Polyperchon gschlaage worde.
D Folge
ändere
Dr Antipater het dr Korinthisch Bund, wo de Grieche inneri Autonomii gloo het, nid wider in s Lääbe grüeft, sondern het in de Stedt as Regänte Oligarche oder Tyranne iigsetzt, wo im dröi gsi si, und mit makedonische Bsatzigsdrubbe sini Inträsse gschützt. Noch em Dood vom Antipater 319 v. d. Z. isch dr Zwäit Diadochechrieg usbroche.
Scho antiki Autore häi s Ändi vom Lamische Chrieg mit em Ändi vom ursprünglige griechische Freihäitsgedanke verbunde. Dä isch in de Diadochechrieg nume no vo de Diadoche brucht worde as Bropaganda in iirem Kampf um d Macht.
Litratuur
ändere- Hermann Bengtson: Die Diadochen. Die Nachfolger Alexanders (323 - 281 v. Chr.). Münche 1987, ISBN 3-406-32068-6.
- Johann Gustav Droysen: Geschichte des Hellenismus. Band 1, Geschichte Alexanders des Großen. Darmstadt 2008 (ursprünglich 1952/1953), ISBN 978-3-534-21996-4.
- Johann Gustav Droysen: Geschichte des Hellenismus. Band 2, Geschichte der Diadochen. Darmstadt 2008 (ursprünglich 1952/1953), ISBN 978-3-534-21996-4.
- Martin Jehne: Koine Eirene. Untersuchungen zu den Befriedungs- und Stabilisierungsbemühungen in der griechischen Poliswelt des 4. Jahrhunderts v. Chr. (Hermes. Zeitschrift für Klassische Philologie. Einzelschriften, Band 63.) Stuttgart 1994, ISBN 978-3-515-06199-5.
Sekundärlitratuur:
- H. D. Westlake: The Aftermath of the Lamian War, In: The Classical Review, Vol. 63 (1949), S. 87–90.
- R. M. Errington: Samos and the Lamian War, In: Chiron, Vol. 5 (1975), S. 51–57.
- N. G. Ashton: The 'naumachia' near Amorgos in 322 B. C., in: The Annual of the British School at Athens, Vol. 72 (1977), S. 1–11.
- Klaus Rosen: Der "göttliche" Alexander, Athen und Samos, In: Historia. Zeitschrift für Alte Geschichte, Bd. 27 (1978), S. 20–39.
- S. G. Miller: Kleonai, the Nemean, and the Lamian War, In: Hesperia Supplements, Vol. 20 (1982), S. 100–108.
- N. G. Ashton: The Lamian War. A false start? , In: Antichthon, Vol. 17 (1983), S. 47–63.
- N. G. Ashton: The Lamian War. Start magni nominis umbra, In: Journal of Hellenic Studies, Vol. 104 (1984), S. 152–157.
Fuessnoote
ändere- ↑ Plutarch, Phokion 23, 1.
- ↑ Inscriptiones Graecae II² 448 (Ziile 43–44), II² 505 (Ziile 17), II² 506 (Ziile 9–10).
- ↑ Hypereides, Grabrede (6), 12.
|
Dä Artikel basiert uff ere fräie Übersetzig vum Artikel „Lamischer_Krieg“ vu de dütsche Wikipedia. E Liste vu de Autore un Versione isch do z finde. |