Latobriger

D Latobriger (lat. Latobrigi, Latobici) sind en keltische Stamm gsii. Si sind Nochbuure vo de Helvetier gsii und hend am Uuszuug vom Joor 58 v. Chr. tailgnoo mit 14 Tuusig Mensche. Noch de Niderlaag bi Bibracte hend au si wider müese umchere und iri Sidlige noi uufbaue. Si werdet nume vom Julius Cäsar gnennt. De Name stoot zum Altirische Wort laith »Held, Chrieger«.

E moderni Hypothese möcht d Latobriger im Chleggi lokalisiere. Öb si verwandt sind mit de Latobiker, wo i de östliche Alpe i de römische Provinz Pannonia glebt hend, isch nöd klar.

Quelle

• Julius Cäsar: Gallische Chrieg 1,8. 28

Link

• Gilbert Kaenel: Latobriger [Latobrigi]. In: Historisches Lexikon vo dr Schwiiz.