Lauren Wildbolz

e Schwiizer Aktivischtin für Veganismus

D Lauren Wildbolz (* 17. Merz 1981 z Züri) isch e Schwiizer Aktivischtin für Veganismus. Si schafft als Chöchi, Chochbuech-Autorin, Veraastalteri vo Chochkürs und als Betriiberi vomene Catering-Unternääme. In Kunschprojäkt thematisiert si d Verschwändig vo Nahrig.

d Lauren Wildbolz

Läbe ändere

D Lauren Wildbolz isch d Tochter vom Modefotograf Jost Wildbolz un d Nichte vom Schauspiler Klaus Wildbolz.[1] Ihri Mueter isch Fotomodell gsi. Mit 19 Jahr hät si sälber aafaa modle. Na de bstandene Prüefig für de Vorkurs a de Schuel für Gstaltig (hüt: Zürcher Hochschule der Künste) isch si in verschideni Länder vo de Wält gräist. Na föif Jahr im Uusland hät si ihre Kunststudium i de Schwiiz wiitergmacht und hèt s a de Zürcher Hochschuel vo de Künscht 2013 mit em Bachelor, 2015 mit em Master of Fine Arts abgschlosse. I de Ziit vom Studium hät si si intensiv mit em Umgang mit Ässe bschäftigt. D Lauren Wildbolz hät e Tochter (*2014).[2]

Würke ändere

Siit em 14. Läbesjahr verzichtet d Lauren Wildbolz uf Fläisch. Im Alter vo 27i isch si vo de vegetarischen zur vegane Läbeswiis gwächslet, und verzichtet siterhär au bi de Chläidig und Pflägmittel uf tierischi Produkt. Als Grund defür git si d Masseproduktion vo Fläisch, Milch oder Läder aa. Si hät si au mit de politischen und ethischen Aschpäkt vo de Läbesmittelinduschtri und de Verschwändig vo Läbesmittel ussenander. 2010 hät si s erscht vegan Restaurant z Züri ufgmacht,[2][3][4] s vegan kitchen and bakery.[5] Na nüün Monet hät si s wider müesse zuemache, wel ere d Bewilligung und di finanzielle Mittel gfählt häi. De Pachtvertrag hät si an e Unternähmen übergää, wo vegani Produkt härstellt und i de Rüüm e vegani Gelateria ufgmacht hät.[6] Si hät wiitergmacht mit em Studium und hät parallel dadezue als Kursläiteri für vegani Ernehrig i de Klibschuel Migros gschafft. Siit 2014 läitet si ihre Catering-Unternähme Vegan Kitchen und äigeni Chochkürs.[7][8]

Zum uf d Verschwändig vo Läbesmittel ufmerksam z mache, hät d Lauren Wildbolz im Rame vo ihre Bachelorarbet unter em Slogan Good food for you for free im Juni 2013 e Pop-up-Restaurant mit erer improvisierte Chuchi uf em Zürcher Sihlquai-Platz betribe, wo si zwo Wochen lang all Tag Läbesmittel uf em Abfallchübel oder vo Äinzelhändler abgholt für 50 bis 70 Persone choschtelos z Mittag gchocht hät. Die Idee hät si zäme mit andere Studänte vo de Zürcher Kunschtakademi wiitergmacht.[9] Mit däm ehrenamtliche Langziitprojäkt wett d Lauren Wildbolz d Wärtschetzig und de ressourceschonende Umgang mit Nahrig fördere.[10]

„Lebensmittelabfälle dürften gar nicht erst entstehen. Und so nutze ich eigentlich Ressourcen, die nicht sein dürften. Um Veränderungen herbeizuführen, muss man manchmal extrem sein.“

Lauren Wildbolz[11]

Mediali Rezeption ändere

Dur Mediebricht und mit Uftritt im Färnseh isch si über di vegan Szene uuse bekannt worde. Im 2014i isch si i d Färnsehliveshow vom Kurt Aeschbacher iiglade worde[12] und hät im gliche Jahr bim Schwiizer Dokumentarfilm Vegan – von Menschen und anderen Tieren mitgwürkt.[13] D Züri-Ziitig (NZZ) hät si i ihre Räie Schweizer Visionäre porträtiert[2] und d Schwiizer Illuschtrierte in emene viersiitige Report.[14] Im Februar 2015 isch si i de 3sat-Sändig Alles vegan oder was? interviewt. S Schwiizer Färnseh (SRF) hät uf em Kulturplatz i de Seri Das Element Erde e Biitrag über d Lauren Wildbolz und ihre Projäkt Dreckskekse für ihri Masterarbet a de Kunschthochschuel produziert,[15] wo au uf 3sat uusgstrahlt worden isch. Ga teschte, wie me mit Komposthärd cha bache, hät si ne Sondergnähmigung übercho, wel Läbesmittel us Härd i de Schwiiz äigetlich verbote si.[16] 2015 hät si bin ere Podiumsdiskussion vo de NZZ zum Thema Der Kult um unser Essen mitgmacht.[17] In ere TV-Sändig vo Tele Züri isch si 2016 zue Vorurtäil gäge vegani Ernehrig interviewt worde.[18]

Schrifte ändere

Weblink ändere

  • Vegan Kitchen Blog vo verschidene Autore, wo vo de Lauren Wildbolz betribe wird.

Fuessnote ändere

  1. Besuch in Zürich: Von Bühnen über das Traumschiff ins Asylheim. In: Neue Zürcher Zeitung. Abgruefen am 1. April 2016.
  2. 2,0 2,1 2,2 Nadine Jürgensen: Schweizer Visionäre: Die Verzichtsprophetin. In: Neue Zürcher Zeitung. 26. Juli 2014, abgruefen am 13. April 2016.
  3. Lisa Merz: Lauren Wildbolz. Gourmet-Menüs aus dem Abfall. Schweizer Illustrierte. Nr. 14/31. Merz 2014, S. 51 (pdf)
  4. Ellen Girod: Chatzegschrei. Fleischlos glücklich auf dem Hörnli-Gipfel, Transhelvetica
  5. Untierisch gut. Restaurant-Kritik von Urs Bühler, NZZ, 23. Mai 2011
  6. Hier spriesst Leidenschaft, Züritipp im Tagesanzeiger, 6. Februar 2013
  7. Die Pionierin: Vegane Kunst. In: Beobachter. Band 2014, 09. Mai 2014, Beobachter 4, ISSN 1661-7444 (beobachter.ch [abgerufen am 1. April 2016]).
  8. «DOK»: Vegan, SRF 1, 18. Dezämber 2014
  9. Good food for you for free, Projektbeschreibung, ZHdk Archivlink (Memento vom 10. April 2016 im Internet Archive)
  10. Zürcher Food-Waste-Bewegung macht Tempo. In: tagesanzeiger.ch/. Abgruefen am 1. April 2016.
  11. Lauren Wildbolz, Gegen Lebensmittelverschwendung – »Good food for you, for free«, Vortrag am 14. Novämber 2015, Forum für Zeitzeugen, Zürich. Archiviert vom Original am 3. April 2016; abgruefen am 14. April 2016.
  12. Lauren Wildbolz. In: NZZ Stil vom 5. Oktober 2014 (Archiv, Genios). Abgruefen am 1. April 2016.
  13. Vegan – von Menschen und anderen Tieren. In: Play SRF. Abgruefen am 1. April 2016.
  14. Lisa Merz: Lauren Wildbolz. Gourmet-Menüs aus dem Abfall. Schweizer Illustrierte. Nr. 14/31. März 2014, S. 48-51 (pdf)
  15. Lauren Wildbolz: “Dreckskeckse”, Master Fine Arts Degree Show 2015, Zürcher Hochschule der Künste Archivlink (Memento vom 10. April 2016 im Internet Archive)
  16. Uta Kenter: Mehr Genuss dank veganen Gerichten? SRF, 3. August 2015.Master Fine Arts Degree Show 2015, Lauren Wildbolz, ZHdk (Memento vom 10. April 2016 im Internet Archive) Archivlink (Memento vom 10. April 2016 im Internet Archive)
  17. Podium in Zürich: Der Kult um unser Essen. / News - NZZ Libro (Neue Zürcher Zeitung) - NZZ Libro (Neue Zürcher Zeitung). In: www.nzz-libro.ch. Archiviert vom Original am 1. April 2016; abgruefen am 1. April 2016.
  18. «Vegan ist kein Trend mehr, sondern bereits in der Gesellschaft angekommen». In: az Aargauer Zeitung. Abgruefen am 1. April 2016.
  Dä Artikel basiert uff ere fräie Übersetzig vu dere Version vum Artikel „Lauren_Wildbolz“ vu de dütsche Wikipedia. E Liste vu de Autore un Versione isch do z finde.