Leda (Mond)

Dä Artikel bschäftigt sich mitem Mond Leda vum Planet Jupiter, anderi Bdütige vu dem Begriff findener under Leda

XIII Leda
Zentralchörper	Jupiter
Eigeschafte vum Orbit
Grossi Halbax	11.165.000 km
Periapsis	9.338.000 km
Apoapsis	12.992.000 km
Exzentrizität	0,1636
Bahnneigig	27,457°
Umlaufzitt	240,92 Däg
Middleri Orbitalgschwindigkeit	3,35 km/s
Physikalischi Eigeschafte
Albedo	0,04
Schinbari Helligkeit	19,5 mag
Middlerer Durchmesser	20 km
Masse	1,09 × 1016 kg
Middlere Dichti	2,6 g/cm³
Fallbeschlünigung an dr Oberflächi	0,0073 m/s²
Fluchtgschwindigkeit	12 m/s
Entdeckig
Entdecker	Charles Kowal
Datum vu dr Entdeckig	11. September 1974

Dialäkt: Markgräflerisch (Ebringe)

D' Leda (Jupiter XIII) isch dr chleinscht scho vorem Isatz vu dr Voyager-Sonde bekannt Mond vum Planet Jupiter.

Entdeckig

D'Leda isch am 14. September 1974 vum Astronom Charles Kowal uf photographische Platte entdeckt worre, wo drei Däg vorcher am Observatorium uf em Mount Palomar beliechtet worre sin. As offiziells Datum vu dr Entdeckig wird doher dr 11. September 1974 agä.

Daift worre isch dr Mond uf d'Leda, ere Gliebte vum Zeus us dr grichische Mythologi.

Bahndate

D'Leda umchreist dr Jupiter ime middlere Abstand vu 11.165.000 km in guet 240 Däg un 12 Stund. D'Bahn wiist e Exzentrizität vu 0,15 uf un isch mit 27,457° starch gegeniber dr Äquatorebeni vum Jupiter gneigt. Ufgrund vu ihrene Bahneigeschafte wird si dr Himalia-Gruppe, bnennt nochem Jupitermond Himalia, zuegordnet.

Physikalischi Date

D'Leda besitzt e middlere Durmesser vu numme guet 20 km. Ihri Dichti wär mit 2,6 g/cm³ relativ hoch, sofern d'Indizie zuetreffe, dass si iberwiged us silikatischem Gstei ufbaut isch. Si wiist e sehr dunkli Oberflächi mit ere Albedo vu 0,04 uf, d. h., numme 4 % vum igstrahlte Sunneleecht werre reflektiert. Ihri schinbar Helligkeit betrait 19,5^m.

Dä Artikel basiert uff ere fräie Übersetzig vum Artikel „Leda_(Mond)“ vu de dütsche Wikipedia. E Liste vu de Autore un Versione isch do z finde.