Levi Leipheimer

Levi Leipheimer
	Dr Levi Leipheimer bi dr Dütschland Tour 2006 z Düsseldorf
Personedate
Geburtsdatum	24. Oktober 1973
Nation	Vereinigti Staate
Disziplin	Strooss
Fahrertyp	Allrounder
Internationali Team
1998-1999; 2000-2001; 2002-2004; 2005-2006; 2007; 2008–2009; sit 2010	Saturn Cycling Team; US Postal Service; Rabobank; Team Gerolsteiner; Discovery Channel; Astana; Team RadioShack
Wichtigsti Erfolg
	Tour de France, 2 Etappe ; Vuelta a España, 2 Etappe ; Tour of California (2007, 2008, 2009); Critérium du Dauphiné Libéré (2006); Dütschland Tour (2005); Route du Sud (2002); Tour de Suisse (2011); Vuelta a Castilla y León (2009); National Road Race Champion (2007) ; National Time Trial Champion (1999)
	Infobox zletzt aktualisiert: 20. Juni 2011

Dr Levi Leipheimer (* 24. Oktober 1973 z Butte, Montana) isch en amerikanische Velorennfahrer.

Karriere

Dr Leipheimer het 1987 aagfange Velorenne z fahre und isch 1997 Profi worde. In de Johr 1998 und 1999 isch er im Saturn Cycling Team gfahre und isch 2000 und 2001 bim Team US Postal Service eine vo de Edelhälfer vom Lance Armstrong gsi. Vo 2002 bis 2004 isch er bim niiderländische Velorennstall Rabobank gsi, vo 2005 aa bim Team Gerolsteiner, und in dr Saison 2007 bim amerikanische Discovery Channel Pro Cycling Team.

Leipheimer wird verdächtigt, ass er mit em italiänische Sportmediziner Michele Ferrari wurd zämmeschaffe. Er isch bi dr Tour de France 2005 mit uffellige Bluetwärt ufgfalle. Zur Tour de France 2008 isch im Leipheimer sis Team Astana nit iiglade worde. Im Zitfahre bi de Olympische Summerspiil 2008 z Peking het er d Bronzemedaille gwunne.

2009 het dr Leipheimer d Tour de France wägen eme Handglänkbruch müesse abbräche. 2011 het er d Tour de Suisse mit vier Sekunde Vorsprung vor em Damiano Cunego gwunne.

Weblinks

Commons: Levi Leipheimer – Sammlig vo Multimediadateie

Offizielli Website (englisch)
Levi Leipheimer in der Datebank vo Radsportseiten.net
Levi Leipheimer in dr Datebank vu Sports-Reference.com (änglisch)