Di 75. Tour de Suisse findet vum 11.–19. Juni 2011 in nyyn Etappe statt. Si isch Dail vu dr 2011 nei gschaffene UCI World Tour. S git vier Bärgaachimpft, aini dodervu z Liechtestai un aini z Eschtrych. Am letschte Dag git s e Ainzelzytfahre z Schaffuuse.
Dr Kolumbianer Mauricio Soler vo Movistar isch am Aafang vo dere Hochgebirgsetappe mit zwei Bärg vo dr dritte und eim vo dr Hors Catégorie gstürzt und isch mit eme Schädelbruch in es Spidaal iigliiferet worde. Im stotzige Aastig zum Ziil si dr Franzos Sylvain Chavanel (Quick Step) und die beide Spanier Angel Madrazo (Movistar) und Gorka Izagirre (Euskaltel) usgrisse, denn het se d Grubbe vo de Füehrende mit em Cunego aber wider iigholt. Dr Schwiizer Mathias Frank isch gstürzt, het sich aber dr Favoritegruppe wider chönne aaschliesse. Zweiähalb Kilometer vor em Ziil het dr Holländer Kruijswijk en Aagriff vom Cunego abgwehrt und isch mit eme chliine Vorsprung vor em Amerikaner Levi Leipheimer und em Gääle Liibli z Malbun aachoo. D Blätz noch ene hai dr Mollema, dr Caruso, dr Fränk Schleck und dr Frank under sich usgmacht.
Die lengsti Etappe vo dere Tour het flach agfange aber denn isch s für meh as hundert Kilometer die ganz Zit uufegange bis uf e Flüelabass (HC), denn abwärts bis zum 190. Kilometer und denn wider uufe uf d Norbertshöchi (2. Kat.). S Ziil isch uf dr Höchi vom östriichische Serfaus (1.Kat.) gsi.
Scho früeh het s Ussrissversüech gee, aber erst noch öbbe 80 Kilometer isch s ere Gruppe vo sibzäh Fahrer glunge, sich vom Fäld abzsetze. Eine vo de Hauptakteure underne isch dr Andi Schleck gsi, wo immer wider d Füehrig übernoh het. Uf em Flüelabass (HC) si si fast acht Minute vorus gsii. Dr Schleck isch dört und au bi dr Norbertshöchi (2. Kategorie) as Erste über e Bärg und het vil Pünkt für s Bärgklassemänt gsammlet. 25 Kilometer vor em Ziil isch dr De Gent elei usgrisse und het e Abstand von ere Minute uf si Gruppe uusegfahre. Dr Schleck het en am Fuess vo dr Bärgstross uf Seruas, wo s Etappeziil gsi isch, afo verfolge, het alli andere zwar agghänkt; dr De Gent het er nüm chönne iihole und het aber as Zweite gnueg Pünkt gsammlet, für zum s grüene Liibli züberneh.
Im Fäld hai underdesse Rabobank, Garmin-Cervélo und Lampre-ISD für Tempo gsorgt. Dr Schwiizer Mathias Frank (BMC), dr niiderländisch Steven Kruijswijk vo dr Rabobank und dr Amerikaner Tom Danileson (Garmin-Cervélo) hai sich e chliine Vorsprung uusegholt und au dr Fränk Schleck het öbbe zwei Kilometer vor em Ziil brobiert, s Fäld abzhänke. Dr Cunego und die andere Aaführer hai die Aagriff aber alli abgwehrt und si schliesslig zämme mit 4 Minute und 39 Sekunde Rückstand am Ziil iidroffe. Nume dr Jakob Fuglsang isch e baar Sekunde vor em gääle Liibli aachoo.
Die achti Etappe isch flach gsi mit eme Aastiig vo dr 4. Kategorii zwanzig Kilometer vor em Ziil und eim vo dr 3. Kategorii drizäh Kilometer vor em Schlusssprint, wo erwartet worden isch.
Am Aafang vom Renne isch s chalt gsi und s het grägelet. Vier Fahrer, wo im Gsämtklassemänt wit hindedrii gsi si, dr Pol Jaroslaw Marycz (Saxo Bank-SunGard), dr Italiäner Luca Paolini (Katjuscha), dr Spanier Francisco Ventoso vo Movistar und dr Tschech Jan Barta (NetApp) si usgrisse und hai bim 70. Kilometer acht Minute Vorsprung gha. Wie s Wätter wider besser worden isch het s Fäld dä Vorsprung verchliineret. 38 Kilometer vor em Ziil isch dr Barta umgflooge und het acht Kilometer brucht, für zum wider an d Spitze Aaschluss z finde, aber dr Paolini und dr Marycz hai die beiden andere abghänggt.
An dr Siblingerhöchi (4. Kat.) het s Fäld sich gspalte, und Sprinter wie dr Mark Cavendish (HTC-Highroad) und dr André Greipel (Omega Pharma-Lotto) hai nüm mitmööge. Dr Andy Schleck het dr letscht Punkt vo dr Bärgwärtig überchoo und sich so s Bärgliibli für die Usgoob vo dr Tour de Suisse gsicheret.
Leopard-Trek het het zämme mit Garmin-Cervélo und Sky s Tämpo hooch ghalte, zum z verhindere, ass dr Mollema zruggchiem und 12 Kilometer vor em Ziil hai si dr Paolini und dr Marycz iigholt. Dr Mollema het zwar brobiert, ufzschliesse, het s aber nid fertigbrocht und het am Ziil 48 Sekunde uf e Cunego und die andere Füehrende verlore. Dr Holländer Wouter Poels vo Vacansoleil-DCM het no brobiert de andere drvozfahre. Das hai d Sprintermannschafte aber verhinderet, und dr Sagan isch as Erste im Ziil aachoo und het au s Blaue Liibli vom Punktklassemänt vo dere Tour überchoo.
Klassemänt vu dr 8. Etappe
Fahrer
Nation
Team
Zit
1
Peter Sagan
Flagge der Slowakei
LIQ
3h 52' 00"
2
Matthew Goss
Flagge Australiens
THR
g.Z.
3
Ben Swift
Flagge des Vereinigten Königreichs
SKY
g.Z.
4
Koldo Fernández
Flagge Spaniens
EUS
g.Z.
5
Thor Hushovd
Flagge Norwegens
GRM
g.Z.
6
José Joaquín Rojas
Flagge Spaniens
MOV
g.Z.
7
Gerald Ciolek
Flagge Deutschlands
QST
g.Z.
8
Ian Stannard
Flagge des Vereinigten Königreichs
SKY
g.Z.
9
Simon Clarke
Flagge Australiens
AST
g.Z.
10
Tejay van Garderen
Flagge der Vereinigten Staaten von Amerika
THR
g.Z.
Gsamtklassemänt noch dr 8. Etappe
Fahrer
Nation
Team
Zit
1
Damiano Cunego
Flagge Italiens
LAM
31h 01' 49"
2
Steven Kruijswijk
Flagge der Niederlanden
RAB
+ 1' 36"
3
Fränk Schleck
Flagge Luxemburgs
LEO
+ 1' 41"
4
Levi Leipheimer
Flagge der Vereinigten Staaten von Amerika
RSH
+ 1' 59"
5
Bauke Mollema
Flagge der Niederlanden
RAB
+ 2' 11"
6
Jakob Fuglsang
Flagge Dänemarks
LEO
+ 2' 38"
7
Laurens ten Dam
Flagge der Niederlanden
RAB
+ 3' 10"
8
Giampaolo Caruso
Flagge Italiens
KAT
+ 3' 11"
9
Mathias Frank
Flagge der Schweiz
BMC
+ 3' 20"
10
Tejay van Garderen
Flagge der Vereinigten Staaten von Amerika
THR
+ 3' 22"
9. Etappe: Schaffuuse, 32.1 km , Einzelzitfahreändere
Die nüünti Etappe isch e chli hügelig gsi, und isch zäh Kilometer vor em Ziil bim Opfertshofner uf e Höcheunderschiid vo öbbe 250 Meter zum Startpunkt cho. Dr Cancellara isch eine vo de Favorite gsi, aber uf zwei Drittel vom Parcours het dr Andreas Klöden besseri Zwüschezite gha. Bi dr Abfahrt vom Opfertshofner isch dr Cancellara denn flinker gsi, het si Ruckstand guetgmacht und mit nüün Sekunde vor em Klöden d Etappe gwunne. S intressantiste Duell isch aber das zwüschen em Levi Leipheimer, wo im Gsamtklassemänt fast zwei Minute Rückstand uf s gääle Liibli gha het, und em Cunego. Mit sim dritte Blatz bim Zitfahre het dr Leipheimer dr Italiäner uf e zweit Blatz im Gsamtklassemänt verwiise und dr Steven Kruijswijk uf e dritte. Dr Fränk Schleck, wo nid grad für s Zitfahre bekannt isch, het vier Blätz verlore und isch im Gsamtklassemänt vom Fuglsang, Mollema und Frank überholt worde.
Schwiz
.svg){kind=small}
.svg){kind=small}
Geel Trikot
Mauricio Soler (MOV)
Peter Sagan (LIQ)
Damiano Cunego (LAM)
Thor Hushovd (GRM)
Borut Božič (VCD)
Steven Kruijswijk (RAB)
Thomas De Gendt
Levi Leipheimer
