Lugano

Lugano
	Wappe vo Lugano
Basisdate
Staat:	Schwiiz
Kanton:	Tessin (TI)
Bezirk:	Lugano
BFS-Nr.:	5192
Poschtleitzahl:	69xx
UN/LOCODE:	CH LUG
Koordinate:	718030 / 96560Koordinate: 46° 0′ 37″ N, 8° 57′ 45″ O; CH1903: 718030 / 96560
Höchi:	273 m ü. M.
Flächi:	75,8 km²
Iiwohner:	62'464 (31. Dezämber 2022)
Website:	www.lugano.ch
	Lugano vom Sighignola her gseh Lugano vom Sighignola her gseh
Charte
	Charte vo Lugano

Lugano (lombardisch Lügàn; gurynerdt. Loowasch, dütsch veraltet Lowens, Lauis oder Lauwis) isch e Schwiizer Stadt im Kanton Tessin. D Gmeind ligt im Bezirk Lugano im Sottoceneri und isch di gröscht Stadt im Kanton.

Geographii

Lugano ligt am Luganersee, wo uf italiänisch «Lago di Lugano» und au «Ceresio» heisst.

Lugano het in de letschte Johrzähnt mit es baar umligende Gmeinde fusioniirt und isch so nöd numme nach de Iiwohner, sondern au in de Flächi gwachse. Im 1972i sind Brè-Aldesago und Castagnola zu Lugano dezue cho. Im 2004i sind Breganzona, Cureggia, Davesco-Soragno, Gandria, Pambio-Noranc, Pazzallo, Pregassona und Viganello dezue cho. E witeri Fusion isch uf de 20. April 2008 umgsetzt worde, wo Barbengo, Carabbia und Villa Luganese in d Stadt iiglideret worde sind. Am 13. April 2013 sind Bogno, Cadro, Carona, Certara, Cimadera, Sonvico und Valcolla mit Lugano fusioniert worde. Mit de letschte Igmaindig isch d Flechi vo Lugano vo 32 uf über 75 Kwadratkilometer gwachse.

Im Oschte ligt d Stadt über en längi Streki a dr Landesgränze vo dr Schwiiz mit Italie. Uf dr iteliänische Syte sind divärsi Gmeinde vo dr Provinz Como und grad änet em See Campione d’Italia.

Gschicht

Lugano isch zum erschte Mol anne 804 als Luanasco gnennt wore, 874 denn als Luano und 1189 als Lugano.

Verwaltig

De Stadtpresidänt (Sindaco) vo Lugano isch sid 2013 de Marco Borradori (* 1959) vo de Lega.

Bevölkerigsentwicklig

Johr	1850	1860	1870	1880	1888	1900	1910	1920	1930
Yywohner	5939	6231	6836	6949	8185	10847	14988	15514	17672
Johr	1941	1950	1960	1970	1980	1990	2000	2005	2010
Yywohner	19778	21448	23937	27121	27815	25334	47815	49223	55942

Dialäkt

Dr lombardisch Dialäkt vu Lugano ghert zu dr Sproochgruppe vom Comasco-Lecchese.

Instituzioone

Schwiizerischi Nazionaalfonoteek

Literatur

Giuseppe Negro: Lugano (Gemeinde). In: Historisches Lexikon vo dr Schwiiz.
Antonio Gili: Breganzona. In: Historisches Lexikon vo dr Schwiiz.
Antonio Gili: Cureggia. In: Historisches Lexikon vo dr Schwiiz.
Antonio Gili: Davesco-Soragno. In: Historisches Lexikon vo dr Schwiiz.
Eligio Pometta, Virgilio Chiesa, Vittorino Maestrini: Storia di Lugano. 2 Bände, Hrsg. Società dei commercianti di Lugano, 1975.
Andreas Hauser: Lugano. In: INSA. Inventar der neueren Schweizer Architektur 1850–1920. Band 6. Orell Füssli, Zürich 1991, ISBN 3-280-02058-1, S. 205–356.
Kunstführer durch die Schweiz. Vollständig neu bearb. Ausgabe. Hrsg. von der Gesellschaft für Schweizerische Kunstgeschichte. Band 2. GSK, Bern 2005, ISBN 3-906131-96-3, S. 695–713.

Weblink

Commons: Lugano – Sammlig vo Multimediadateie

Fuessnote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 7. September 2023

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 7. September 2023

[1]