Schwiizerischi Nazionaalfonoteek
Di Schwiizerischi Nazionaalfonoteek isch en Inschtituzioon, wo Toonträäger vo jeder Art tuet samle und bearbeite, wo mid de Schwiiz z tue händ.
Si isch sid 2016 en Abdeilig vo dr Schwiizerische Nazionaalbiblioteek, wo dr Hauptsitz z Bärn het.
Ggründet worde isch d Nazionaalfonoteek ane 1987 als Stiftig vo sächs Tregerschafte: em Kanton Tessin, dr Stadt Lugano, dr Schwiizerische Radio- und Färnseegsellschaft SRG SSR idée suisse, dr Schwiizerische Gsellschaft für d Rächt vo de Urheber vo musikalische Wärch SUISA, dr Schwiizerische Interpreetegsellschaft SIG und dr International Federation of Producers of Videograms and Phonograms, Schweiz IFPI.
D Nazionalfonoteek schaffet au mid de Memoriav und de Swissperform zsäme. Ire Sitz het si z Lugano.