Lichthauptsignaal

È Lichthauptsignaal (Hp) isch è Hauptsignaal, wo dè Signaalbegriff uusschlièßlich optisch mit Lüüchtmittel aazeigt wörd. Hauptsignaal könnet au, je nõch dè vowendetè Stellwärkstechnik, als Formsignaal uusgfüürt sy. S Lichthauptsignaal zeigt aa, ob dè aaschlièßende Gleisabschnitt befaarè wörrè darf. Gleisabschnitt i sellem Sinn sin Zugfolgeabschnitt. I dennè darf sich jewyls nu ein Zuug befindè. Lichthauptsignaal a Streggè mit Streggèblock könnet nu i d Faartschtellig brocht wörrè, wenn dè aaschlièßende Zugfolgeabschnitt frei isch. È Lichtauptsignaal wörd i dè Regel durch è Lichtvorsignaal aakündigt.

Für s Verhaltè an èm Lichthauptsignaal isch auch s draa aagebrochte Mastschild relevant.

Signaalbegriff

Ks-Signaal z Allersberg i dè Funktion von èm Hauptsignaal. Signalbegriff: Faart, 100 km/h (Ks 1)

Dütschland

Im dütschè H/V-Signaalsischteem git s d Signaalbegriff Hp 0 (Halt), Hp 1 (Faart) un Hp 2 (Langsamfaart). Witerhy exischtyret sognannti Mehrabschnitts-Signaalsischteem, z. B. wo uff èm Gebièt vo dè ehemôligè Dütschè Rychsbaan hüüfig aaztrèffendè HI-Signaal, odder d Kr-Signaal, welli hütt bi fascht allè Neubautè Vowendung findet. Ks-Signaal wörred uusschlièßlich vo elektronischè Stellwärk uus gschtüèret.

Kombinationssignaal übernemmet deby entwedder d Funktion von èm Hauptsignaal, èm Vorsignaal odder è Kombination vo Haupt- un Vorsignaal mit eim einzigè, zämmèhängendè Signaalbegriff. D Vorschriftè für Haupt- un Vorsignaal sind also entsprèchend aazwendè.

Öschterrych

Z Öschterrych isch es erscht durch dè Aaschluss zu dè Umschtellig vo dè Wäägsignalisyrig zu dè Gschwindigkeitssignalisyrig kô. Nõch èm Krièg hèt sich d Entwicklig vom Signaalwèesè drennt. 1954, als bim Widderuffbau villi Weichè ybaut worrè sin, wo mit 60 km/h hèn könnè befaarè wörrè, hèt mo uff virbegriffigi Signaal umgschtellt. Anderscht wiè z Dütschland git s sit dõmõlls è eigni Langsamfaart mit 60 km/h. Dõmõlls sin au d Vorsignaal nõch schwizer Muschter ygfüürt worrè.

S Hauptsignaal vo dè Österrychischè Bundesbaanè hèt i dè aktuellè Version von 1980 immer s glyche Uussää, egal ob s als Yfaar-, Uusfaar- odder Blocksignaal vowendet wörd. D Lampè sin deby in zwei Spaaltè nebbènand aagordnet, maximaal 3 links un 5 rächts. S könnet abber einzelni niè benötigti Lampè wegglôô wörrè. D Hauptänderig am Uussää voglychè mit èm Hauptsignaal vo 1954 isch es rote Licht, wo vo dè 2. Stell obbè nõch ganz links unnè voschobè worrè isch, Ebbèso isch mit èm Schutz- bzw. Voschuubsignaal kombinyrbar gsi. Erst sit 1980 git s es "Halt" am Hauptsignasl au für dè Voschuubdiènscht. S Signaal "Voschuubvobot uffghobbè" isch dõher i s Hauptsignaal integryrt worrè.

linki Sitè		rächti Sitè
wyß (Schutz/Ersatz) odder root (Obacht) wyß (Schutz/Voschuèb) root (Halt)		grüè (Frei) wyß (Voschuèb) grüè (Abfaart) gääl (Frei mit 40 km/h) grüè (Frei mit 60 km/h)

S Hauptsignaal ka folgendi vir Begriff aazeigè:

Bezeichnig	Signaalbild	Lièchtsignaal	Bezeichnig	Signaalbild	Lièchtsignaal
Halt	è roots Liècht		Frei	è grüès Liècht
Frei mit 60 km/h	è grüès Liècht, drunter è grüès Liècht		Frei mit 40 km/h	è grüès Liècht, drunter è gääls Liècht

Jedè Mascht hèt è wyß-root-wyßes Maschtschild, bi hängendè Signaal isch sell am Signaalschirm zwischè dè Lampè aabrocht.

Schwiz

Au bi dè Schwizer Bundesbaanè un dè anderè brivaatè Baanè i dè Schwiz git s voschideni Signaalsischteem. D Lichtsignaal vom Sischteem L sin rächteckig un stellet d Gschwindigkeit mit Farbpünkt dar. Bim neuerè Sischteem N, wo d Hauptsignaal kreisförmig sin un nu 3 Lampè hèn, wörd sell mit zuèsätzlichè Zifferè gmacht. Mit èm Sischteem L wörred sechs Begriff abbildet, dennè iri Analogiè zum Sischteem N i dè nõchfolgendè Tabellè uffgfüürt wörred. Bim Sischteem N wörred abber keini durchnumeryrtè Fahrbegriff mee benutzt, wiè des no bim Sischteem L dè Fall gsi isch.

Begriff	Lièchtsignaal Sischteem L	Lièchtsignaal Sischteem N
Halt	è roots Liècht 2. vo obbè	è roots Liècht obbè
Freii Faart (Faarbegriff 1)	è grüès Liècht obbè	è grüès Liècht rächts unnè
Frei mit 40 km/h (Faarbegriff 2)	è grüès Liècht ganz obbè i dè Mitti è oranges Liècht	è grüès Liècht rächts unnè un è gääli "4" drunter
Frei mit 60 km/h (Faarbegriff 3)	zwei grüèni Lièchter unterènand	ei grüèns Liècht rächts unnè un è gääls "6" drunter	-
Frei mit 90 km/h (Faarbegriff 5)	drei grüèni Lièchter unterrènand	è grüès Liècht rächts unnè un è gääli "9" drunter	-
Kurzi Faart (40 km/h) (Faarbegriff 6)	zwei orangi Lièchter unterènand	è oranges Liècht links unnè un è oranges "-" drunter	-

Luèg au Hauptartikel Ysebaasignaal i dè Schwiz