Liachtaschtaanischs Gimnaasium

a privati Schual z Vadoz

S Liachtaschtaanisch Gimnaasium (dt. Liechtensteinisches Gymnaisum, LG) isch anne 1937 as Collegium Marianum vu dr Marischte-Schuelbrieder as Privaatschuel z Vaduz grindet woore. Syter 1981 isch s Gimnaasium e Schuel, wu vum Land Liachtaschtaa drit wird,

Liachtaschtaanisch Gimnaasium
Liechtensteinisches Gymnasium in Schaan.jpg
Schueltyp Gimnaasium
Adrässe Vaduz
Koordinaten 756606 / 224748Koordinaten: 47° 9′ 19″ N, 9° 30′ 14″ O; CH1903: 756606 / 224748
Gründigsjohr 1937
Schüelerzahl 720
Website www.lg-vaduz.li

D Zaal vu dr Schueler*ne isch syt Mitti vu dr 1980er Joor als aagstiige (Maidli sin eerscht syt Ändi vu dr 1960er Joor zuegloo) un lyt zur Zyt bi 720. Di durschnittli Klassegreeßi in dr Unterstapfle lyt bi 20,7 Schueler*ne, in dr Ooberstapfle bi 17,0.

SchuelsischteemBearbeite

 
dr Schuelhoof mit Gebei F, I & H z Schaa

UnterstapfleBearbeite

D Unterstapfle umfasst drei Schueljoor (Klassestapfle 6–8), iri Klasse wääre mit US1, US2 un US3 abgchiirzt.

Vu dr Reaalschuel uus git s drei Iibergangsmeegligkaite uf s Liachtaschtaanisch Gimnaasium:

  • noch em 1. Joor Reaalschuel in s 2. Joor Gimnaasium (US2)
  • noch em 3. Joor Reaalschuel in s 4. Joor Gimnaasium (OS1)
  • noch em 4. Joor Reaalschuel in s 4. Joor Gimnaasium (OS1)

D Gsamtzaal vu dr Stunde in dr Unterstapfle lyt bi 104; d Schueler*ne wääre in US1 un US2 je 34 Wuchestunde unterriichtet, in US3 in 36.

Unterriichtsfächer vu dr Unterstapfle sin fir alli Schueler*ne Religioon, Reaalie I (Geografy un Gschiicht), Reaalie II (Natuurleer), Informaatik (US1), Dytsch, Änglisch, Franzeesisch (ab US2), Latyynisch (US3), Tächnisch un Textil Gstalte (US1 un US2), Bildnerisch Gstalte, Musik, Spoort un Mathematik. Derzue chunt pro Schueljoor je ai Stund Lääbeskund (Klassestund).

Waalmeegligkaite het s fir d Schueler*ne in dr Unterstapfle in däne gnännte Fächer nit, mer cha aber je no Waal zuesätzligi Fächer nee.

OoberstapfleBearbeite

D Ooberstapfle umfasst vier Schueljoor (Klassestapfle 9–12), iri Klasse wääre OS1, OS2, OS3 un OS4 gnännt.

D Gsamtzaal vu dr Stunde in dr Ooberstapfle lyt bi 140; d Schueler*ne wääre pro Schueljoor 35 Stunden in dr Wuche unterriichtet.

In dr Ooberstapfle cha mer us fimf verschiidene Profiil uusweele:

  • Lingua
  • Neii Sprooche
  • Chunscht, Musik un Pedagoogik
  • Wiirtschaft un Räächt
  • Mathematik un Natuurwisseschafte

Dr Unterriicht in dr Ooberstapfle setzt si us dääne Elemänt zäme:

  • ere Zyylede vu Grundlaagefächer, wu fir alli Schueler*ne glyych sin (in OS1 un OS2 29, in OS3 un OS4 26 Wuchestunde)
  • meereri Profiilfächer, abhängig vum gweelte Profiil (sechs bzw. fimf Wuchestunde)
  • in OS3 un OS4: Waalbfliichtkiirs, wu dr Spezialisierig dur d Profiil entgeegewiirke solle (vier Wuchestunde)

Alli Schueler*ne mien meereri Grundlaagefächer beleege. Durgängig unterriichtet wääre: Dytsch, Änglisch, Franzeesisch, Mathematik, Spoort. Derzue chunt au Stund Lääbeskund (Klassestund) pro Joor.

E Dail Fächer wääre nume in ainzelne Klassestapfle unterriichtet:

  • in OS1: Biology, Wiirtschaft/Räächt, Gschiicht, Chunscht, Musik, Religioonskund un Ethik
  • in OS2: Biology, Chemy, Geografy, Gschiicht, Chunscht oder Musik, Religioonskund un Ethik
  • in OS3: Biology, Chemy, Geografy, Chunscht oder Musik, Filosofy
  • in OS4: Geografy, Wiirtschaft/Räächt, Gschiicht, Religioonskund un Ethik, Filosofy

Pro Profiil git s zmidescht zwai Profiilfächer, wu ais dervu mit ere dytli heechere Wuchestundezaal unterriichtet wiird (in dr negschte Iibersiicht mit * gchännzaichnet). D Profiilfächer sin:

  • Lingua: Latyynisch*, Itelieenisch
  • Neii Sprooche: Spaanisch*, Latyyn isch oder Itelieenisch
  • Chunscht, Musik un Pedagoogik: Bildnerisch Gstalte/Musiziere*, Pedagoogik/Psychology
  • Wiirtschaft un Räächt: Bedriibswiirtschaftsleer/Räächtskund*, Rächingswääse (OS1 un OS2) bzw. Volkswiirtschaftsleer (OS3 un OS4), Integrazioonsfach Wiirtschaft
  • Mathematik un Natuurwisseschafte: Informaatik; d Fächer Mathematik, Physik*, Biology*, Chemy ud Geografy hän heecheri Stundezaale wie im Bfliichtberyych

MatuuraBearbeite

Wär zue dr Matuura zuegloo wääre will, mueß d Klass OS4 erfolgryych abgschlosse un in zwoo Fachaarbete ne positivi Beurdaili iberchuu haa,.

Schriiftligi Briefigsfächer sin:

  • Dytsch
  • Änglisch
  • Franzesisch
  • Mathematik
  • Profiilfach mit dr hegschte Stundedotazioon (in Chunscht, Musik un Pedagoogik wiird Musiziere un Bildnerisch Gstalte schriiftli brieft, Pedagoogik/Psychology mindli)

Mindligi Briegfigsfächer sin:

  • Dytsch, Filosofy, Religioonskund un Ethik oder Gschiicht
  • Mathematik, Biology, Physik, Chemy, Geografy oder Wiirtschaft/Räächt
  • Änglisch oder Franzeesisch,
  • Itelieenisch, Spaanisch oder Latyynisch
  • Profilifach freier Waal (kais, wu scho as Grundlaagefach brieft wiird!)

WeblinkBearbeite

  Dä Artikel basiert uff ere fräie Übersetzig vu dere Version vum Artikel „Liechtensteinisches_Gymnasium“ vu de dütsche Wikipedia. E Liste vu de Autore un Versione isch do z finde.