Livia Anne Richard
D Livia Anne Richard (* 24. Februar 1969 z Bärn) isch e Schwyzer Reschiseeri un Autoori vu Theaterbrodukzioone.
Lääbe ändere
Vu 1995 bis 1999 het d Richard as Schauspiileri gschafft, ab 1999 het si aafange Stugg inszeniere un au sälber schryybe.
Anne 2002 het si s Theater Gurte uf em glyychnamige Bärner Huusbäärg Gurte grindet un isch syterhäär d Reschiseeri vu allne Brodukzioone deert. S Stugg Dällebach Kari, wu d Richard gschriibe het, isch deert 2006 urufgfiert woore un isch esoo erfolgryych gsii, ass es im Joor druf usserblaanmääßig nomool ufglait wooren isch.[1] S Stugg isch d Grundlaag fir dr Kinofilm Eine wen iig, dr Dällebach Kari[2] vum Oscar-Bryysdreeger Xavier Koller vu 2012 gsii.
Anne 2010 het d Richard zäme mit em Markus Maria Enggist, dr Annemarie Morgenegg, em Fredi Stettler un em Hank Shizzoe im Bärner Mattequartier s Theater Matte grindet, wu uf Mundartstugg spezialisiert isch un wu si bis Mitti 2016 as chinschtlerischi Laiteri aktiiv gsii isch.[3]
Anne 2014 isch d Richard vu dr Zytig Bernerbär as yyflussryychschti Bärner Kultuurschaffendi gnännt woore.[4] Im Juuni 2018 het si dr mit 50.000 Franke dotiert Kultuurbryys 2018 vu dr Bürgi-Willert-Stiftig vu Bärn iiberchuu.[5] Am 2. Mai 2019 het si dr Bärner Kommunikazioonsbryys vu dr Bärner Public Relations Gsellschaft (BPRG) iiberchuu.
Anne 2017 het si mit ere Romaan-Trilogy aagfange, dr eerscht Romaan Anna der Indianer isch 2020 im Cosmos Verlag uusechuu, dr zweet Band Anna der Vater bi Schöffling und Co., dr dritt Band Anna der Häuptling chunnt im Spootjoor 2023 bi Schöffling und Co. uuse.
Wäärch ändere
Uusglääseni Reschyprodukzioone ändere
- 2002: Ein Engel kommt nach Babylon. Stugg vum Friedrich Dürrenmatt, Freiliechttheater Gurte, Bärn.
- 2004: Der Scharlatan. Stugg vum Markus Keller, Uruffíerig Freiliechttheater Gurte, Bärn.
- 2006: Dällebach Kari. Stugg vu dr Livia Anne Richard, Uruffíerig: 2006, Freiliechttheater Gurte, Bärn
- 2008: Von Mäusen und Menschen. Stugg vum John Steinbeck, Freiliechttheater Gurte, Bärn.
- 2010: Einstein. Stugg vu dr Richard, Uruffíerig: 27. Juuli 2010, Freiliechttheater Gurte, Bärn.
- 2012: Holzers Peepshow, Stugg vum Markus Köbeli, Freiliechtfassig Livia Anne Richard, Freiliechttheater Gurte, Bärn.
- 2014: Paradies. Stugg vu dr Richard, Uruffíerig: 28. Juuni 2014, Freiliechttheater Gurte, Bärn.
- 2015: The Matterhorn Story. Stugg vu dr Richard, Uruffíerig Freiliechtspiil Zermatt, am Riffelberg (Gornergrat).
- 2016: Die Nashörner, Stugg vum Eugène Ionesco, Freiliechttheater Gurte, Bärn.
- 2017: Romeo und Julia. Stugg vu dr Richard frei no Gottfried Keller, Uruffíerig: 6. Juuli 2017, Freiliechtspiil Zermatt, am Riffelberg (Gornergrat).
- 2018: Abefahre! – Stressfrei in 5 Tagen. Uruffíerig: 20. Juuni 2018, Freiliechttheater Gurte, Bärn
- 2019: Matterhorn: No Ladies Please! Uruffíerig: 11. Juuli 2019, Freiliechtspiil Zermatt, am Riffelberg (Gornergrat).
- 2022: Flöört.ch – Flirten lernen in 90 Minuten! Uruffíerig: 22. Juuni 2022, Theater Gurte.[6]
Biecher ändere
- Anna der Indianer. Roman, Cosmos Verlag, Muri 2020, ISBN 978-3-305-00488-1
- Anna der Vater. Roman, Schöffling & Co. Verlag, Frankfurt am Main 2022, ISBN 978-3-89561-143-8
Weblink ändere
- Aigeni Websyte
- «Ich bin die Livia mit den vielen Hüten», Porträt-Langinterview in der Coopzeitung vom 8. Juni 2015
Fueßnote ändere
- ↑ Freilichttheater Gurten. Bi: myswitzerland.com. Abgruefen am 30. Oktoober 2015.
- ↑ Eine wen iig, dr Dällebach Kari. Bi: outnow.ch. Abgreufen am 30. Oktoober 2015.
- ↑ Livia Anne Richard gibt künstlerische Leitung des Theaters Matte ab, Berner Zeitung, 11. Meerz 2016.
- ↑ Livia Anne Richard: «Ich bin die Livia mit den vielen Hüten». Bi: Coopzeitung.ch. 8. Juuni 2015.
- ↑ „Nicht wegzudenken“ - Kulturpreis der Bürgi-Willert-Stiftung vergeben, nachtkritik.de vum 14. Juuni 2018.
- ↑ Livia Anne Richard: «Jeder Mensch soll so sein können wie er ist». In: nau.ch. Abgruefen am 16. August 2022.
|
Dä Artikel basiert uff ere fräie Übersetzig vu dere Version vum Artikel „Livia_Anne_Richard“ vu de dütsche Wikipedia. E Liste vu de Autore un Versione isch do z finde. |