Eine wen iig, dr Dällebach Kari

Eine wen iig, dr Dällebach Kari isch de ofizielli Titel vom ene Film öber s Läbe vom Dällebach Kari, wo de Xavier Koller 2011 drait hät und wo am 1. März 2012 i de Schwiz is Kino cho isch.

Filmdate
Dütsche Titel	Eine wen iig, dr Dällebach Kari
Originaltitel	Eine wen iig, dr Dällebach Kari
Produktionsland	Flagge von Switzerland Schwiiz
Originalsprooch	Bärndütsch
Erschiinigsjoor	2011
Lengi	111 Minute
Altersfreigoob	FSK -
Stab
Regie	Xavier Koller
Dräibuech	Xavier Koller
Produktion	Alfi Sinniger, Catpics AG
Muusig	Balz Bachmann
Kamera	Felix von Muralt
Bsetzig
Hanspeter Müller-Drossaart, als alte Kari Nils Althaus, als junge Kari Carla Juri, als Annemarie Geiser Bruno Cathomas, als Vater Geiser Julika Jenkins

Handlig

D Handlig isch em Theaterstuck «Dr Dällebach Kari» vo de Livia Anne Richard aaglehned und spannt en Boge vo de Geburt bis zum tragische Änd vom Dällebach Kari sim Läbe, wobii dä Film churz vor em Ändi ufhört. Immer wider wärded Szene vo sinere Liebesgschicht mit de Annemarie Geiser, wo us besserem Huus stammt, iibländet. Dr Kari isch i dere Zyt scho a Chräbs erchrankt. Dia Liebesbezüchig fangt ganz schüüch a, entwicklet sich langsam zu de schönste Zyt i sim Läbe, wie dä Kari spöter emol sälber sait. Doch laider wird die Liebi vo de Annemari erem Vater nöd dulded und si hüroted schlussendlich en Andere.

Draiort

Will de Dällebach Kari us em Bärner Mittelland stammt, i de Stadt Bärn Gwafför gsi isch und au als Stadtoriginal golte hed, spillt de Film im Bärnbiet. Vil Usseszene sind mit ordeli Ufwand i de Bärner Altstadt drait worde. Wichtigi Ort vom Gschee sind en Herresalon in ere Gass vo Bärn und d Chornhuusbrügg.

Kritike

„Ein anrührendes und hervorragend besetztes Liebesdrama.“

– - sda

„Mit grosser ausstatterischer Sorgfalt und visuellem Esprit bereitet Koller der tragischen Liebe das Feld.“

– - Basler Zeitung

Sprooch

De Originalton vom Film isch bärndütschi Mundart. Gwüssne Schauspiller isch es rächt guet glunge, de Dialäkt z imitiere. Em Vater Geiser (Bruno Cathomas) merkt mer allerdings a, as er ursprünglig en Bündner isch, was aber nöd unbedingt stöört. Zur Sprooch und zum Titel vom Film gits i däm Zämehang au Diskussione. Je noch Quälle findt me zwei Schribwyse; uf de Website und Plakat vom Film: «Eine wen iig, dr Dällebach Kari» und uf de Internet Movie Database: «Eine win iig, dr Dällebach Kari».

Weblink

• Website vom Film «Eine wen iig, dr Dällebach Kari»
• Eine win iig, dr Dällebach Kari in dr Internet Movie Database
• Hansruedi Lerch: Dällebach Kari. In: Historisches Lexikon vo dr Schwiiz.