Ludwig Freivogel
| Dialäkt: Baseldütsch |
Dr Ludwig Freivogel (* 19. Meie 1859 z Gälterchinde; † 14. Juni 1936 z Basel) isch e Schwyzer Leerer und Hischtoriker. Är isch reformiert und Bürger vo Gälterchinde und Basel gsi.
Sy Härkunft ändere
Dr Ludwig Freivogel isch dr Soon vom Friedrich Freivogel, Posimänter und dr Anna Buser gsi. Im Joor 1893 het är d Elisabeth Rudloff vo Basel ghürotet.
Sy Bruef ändere
Dr Ludwig Freivogel het Gschicht gschtudiert. Im Joor 1893 het är als Dr. phil. abgschlosse. Vo 1890 bis 1893 het är als Leerer an dr Bezirksschuel z Waldeburg gschafft. Vo 1893 bis 1897 isch är Schuelinschpäkter im Baselbiet gsi. Drno, ab 1897 het är als Leerer z Basel gschafft, wo är bis an sys Läbensändi au gwoont het. Är macht sich e Name als Lokalhischtoriker und isch Mitautor vo dr Gschicht vo Baselland in zwe Bänd (1932).
Syni Wärk und Mitautor ändere
- Die Landschaft Basel in der zweiten Hälfte des 18. Jahrhunderts, Basel 1893 (Diss. Bern).
- Die Lasten der Baslerischen Untertanen im 18. Jahrhundert, in: Basler Jahrbuch 1924, 109-192; 1925, 165-211; 1927, 107-146; 1929, 138-171.
- Geschichte der Landschaft Basel 1653-1798 und des Kantons Basel-Landschaft 2 Bände, Liestal 1932
Literatur ändere
- Historisch-biographisches Lexikon der Schweiz 3, 317