Luzi Jenny

Dialäkt: Tschappiiner Walsertütsch

Dr Luzi Jenny, mit vollam Nama Johann Luzi Jenny (* 6. April 1925 z Tschappiina; † 20. Februar 2015 z Tusa), ischt an Schwizer Leerer, Puur und Mundartautor gsi.

Läba

Tschappina Obergmeind

Dr Jenny ischt in dr Gmäind Tschappiina am Heinzabärg ufgwagsa. Bis in d 1970er Jaar sind im Kanton Graubünda di ländlicha Schuala dr ganz Summer dür gschlossni gsi, dass d Goofa da Eltara händ chöna hälffa. Drum het au dr Jenny näba schiinra Ufgab als Leerer an dr Gsamtschual va Tschappiina au no uf ama Hoff als Bärgpuur gwürtschaftet.

In da 1950er Jaar het ar de aagfanga, Tegschta uf Tschappiinertütsch z schriiba. Am Afang eifach nu für d Schual. Naa und naa sind aber etlichi chlinera Veröffentlichunga drzua cho, ab 1985 ganzi Erzellbänd und ab am Jaar 2000 au CD. Thema va schiim Schaffa sind schiini Umwält im Bündner Bärgdorf gsi, di ganz Spannwiti vo ünschna menschlicha Nööt und Fräuda, am Usgliferat-Sii am Schicksal gäganubr und da Mügglichkeita var Varänderig und au dr Isicht. Är het ubr d Landschaft vo schiinera Heimat gschriba, ubr Huus und Hoff, ubr d Arbeta und ds öffentlicha Läba, asia voll Witz und asia au ganz ärischt. Vor allem aber drubr, «wia d Lüt bi ünsch äpa sind.»^[1] Und säp mit dr untrüüglicha Gwüssheit, dass an jeda äpa an Mända odr an Finta het.

Ales, was er nüma het chöna publiziera, liid hüt bir Walservereinigung Graubünda.

Eeriga

1984: Eerabürgerrächt var Gemäind Tschappiina
2000: Kulturpriis var Stiftig Martin Peter Enderlin

Publikazioona

Wier und schii. Dialektgschichtä va Tschappina (1985)
Im Gädemli. Gschichta und Gidichti im Tschappiner Dialekt (2002)
Ds Botmartisch Gschichta (2011)
Der Dracha am Beverin und andere Heinzenberger Sagen (2014)
Biiträäg i verschidena Antologiia und in da Prichta var Walservereinigung Graubünda (ab 1963)

CD:

Luzi Jenny erzählt Märchen in Tschappinerdialekt (2000)
Der Nitlaschmaus und andere Tschappinergeschichten (2000)
Ds Botmartisch Gschichta (2011)
Der Dracha am Beverin und andere Heinzenberger Sagen (2021)

Literatur

Christian Cahannes: Sagen sind ein Teil unserer Kultur. Buchlesung mit Luzi Jenny. I: Pöschtli, 4. Dezember 2014, S. 15.
Elisabeth Mani-Heldstab: Nachruf auf Luzi Jenny, Tschappina. I: Walser Mitteilungen 65, 2015, S. 18 f.
Ruth Vischherr Strebel: Erinnerung an Heidi und Luzi Jenny. I: Pöschtli, 5. Merz 2015, S. 20.

Weblink

Publikatione vo und über Luzi Jenny im Katalog Helveticat vo dr Schwiizerische Nationalbibliothek

Fuassnoota

↑ Elisabeth Mani-Heldstab: Nachruf auf Luzi Jenny, Tschappina. I: Walser Mitteilungen 65, 2015, S. 18 f.

[1] Elisabeth Mani-Heldstab: Nachruf auf Luzi Jenny, Tschappina. I: Walser Mitteilungen 65, 2015, S. 18 f.

[1]