Makara

De Makara (Sanskrit: मकर, makara m.) isch im Hinduismus e Fabeltier, wo im Wasser diham isch. Er chunnt au im Jinismus und im Buddhismus vor. S Tierchraiszaiche vom Staibock haisst z Indie Makara.

d Flussgöttin Ganga ufem Makara

De Makara isch e Mischwese zwösched emene Delphin und emene Chrokedil, mengisch gliicht de Vordertail emene Elifant. De Makara isch s Vahana vom Varuna und vo de Ganga, de Göttin vom Fluss Ganges. Au di buddhistischi Göttin Chunda werd ufeme Makara dargstellt. Im Jinismus isch de Makara s Symbol vom 9. Tirthamkara.