Elifante
|
Dä Artikel behandlet die verschidnige Elifantearte. Für d Familie vo de Elifante, d Elephantidae lueg doo. |
| Elifante | ||||||||||||
|---|---|---|---|---|---|---|---|---|---|---|---|---|
Afrikanischi Elifante | ||||||||||||
| Systematik | ||||||||||||
| ||||||||||||
| Wüsseschaftlige Name | ||||||||||||
| Elephantidae | ||||||||||||
| John Edward Gray 1821 | ||||||||||||
| Art | ||||||||||||
|
As Elifant (altgr. ἐλέφαντ- eléphant-, Stamm vo ἐλέφᾱς eléphās ‚Elifant‘) bezäichnet mä alli Arte vo Rüsseldier us dr Familie vo de Elephantidae. Do drzue ghööre die drei Arte, wo hüt no lääbe, dr Afrikanisch Elifant (Loxodonta africana), dr Waldelifant (Loxodonta cyclotis) und dr Asiatisch Elifant (Elephas maximus) und usgstorbnigi Arte wie s Mammut.
Elifante si die grösste Landdier vo dr Gegewart. Scho bi dr Geburt wägt e Chalb bis zu 100 Kilogramm. D Draagzit isch 20 bis 22 Mönet und isch die lengsti vo alle Landsüüger. Je noch dr Art cha en Elifant im Durchschnitt zwüsche 2 und 5 Donne schweer und bis zu 4 Meter hooch si. S grösste Indiwiduum isch e Männli gsi, wo am 4. April 1978 im Damaraland (Namibia) verschosse worde isch. Dä isch 4,21 Meter grooss und 10,39 Meter lang gsi.[1] Dr eltist Elifant het im Zoo vo Taipeh gläbt und isch säggsenachzgi worde.[2][3]
Süstematik
ändereVo de Rüsseldier lääbe hüt nume no drei Arte, und die ghööre alli zu de ächte Elifante. Das si:
- Gattig Loxodonta
- Afrikanische Elifant (Loxodonta africana)
- Waldelifant (Loxodonta cyclotis)
- Gattig Elephas
- Asiatische Elifant (Elephas maximus)
Es git e baar Elifanteforscher und Kryptozoologe wo dr Zwärgelifant (Loxodonta pumilio) as Art vorgschlage häi; das isch in dr Fachwält aber nit akzeptiert. Er söll näben em groosse Waldelifant as e chliineri Art im dropische Räägewald vo Gabun, vom Kongo und vo Kamerun vorchoo. Au genetischi Undersuechige an verschidnige Exemplar us dr zentralafrikanische Region häi käni Hiiwiis uf e vierti Elifantenart brocht.[4]
Die äinzigi bekannti Hybride zwüschen ere asiatische Elifantechue und eme afrikanische Elifantemännli isch 1978 im Zoo vo Chester uf d Wält choo und isch zwäi Wuche noch dr Geburt gstorbe.[5]
Verbräitig
ändere
S Verbräitigsgebiet vom Asiatische Elifant het früener s südlige Asie vo Sürie bis zu China umschlosse. Hüte läbt er no in Vorder- und Hinderindie, Sri Lanka und e baar vo de groosse Sundainsle.
Dr Afrikanisch Elifant (= Steppenelifant) het früener uf em ganze afrikanische Kontinänt gläbt, hüte befindet sich die nördligsti Gränze vo sim Verbräitigsgebiet im Süde vom Sudan. Er chunnt hüte in vier drennte Populazione vor: in de Savanne vom östlige und südlige Afrika, in Westafrika, in dr nördlige Namib (Südwestafrika) und im zentralafrikanische dropische Räägewald. Im südlige Afrika findet men en vor allem in de Nationalpark.
Dr Waldelifant läbt in de Räägewälder vo Westafrika, under anderem in Kamerun, dr Demokratische Republik Kongo und dr Zentralafrikanische Republik.
Litratuur
ändere- Christine und Michel Denis-Huot: Elefanten. Verlag Karl Müller GmbH, 2003, ISBN 3-89893-068-8.
- Adrian Lister, Paul Bahn: Mammuts – Riesen der Eiszeit. Thorbecke Verlag, Sigmaringen 1997, ISBN 3-7995-9050-1.
- Ronald M. Nowak: Walker’s mammals of the world. 6. Auflage. Johns Hopkins University Press, Baltimore, ISBN 0-8018-5789-9.
- Larousse (Hrsg.): Lebendige Wildnis – Tiere der afrikanischen Savanne. Das Beste, Stuttgart 1992, ISBN 3-87070-405-5.
- Dietmar Jarofke: Jarofkes Elefantenkompendium. Haltung, Zucht, Verhalten und Krankheiten der Elefanten. Schüling-Verlag, Münster 2007, ISBN 978-3-86523-085-0.
Weblingg
ändere
Commons: Elifante – Sammlig vo MultimediadateieFuessnoote
ändere- ↑ Guinness-Buch der Rekorde 1992, Ullstein, Münche, ISBN 3-550-07750-5.
- ↑ Guinness World Records 2007, Bibliographisches Institut, Mannheim 2006
- ↑ New York Times: World’s Oldest Elephant, 86, Is Dead (23. Februar 2003)
- ↑ PDF bei socserv.mcmaster.ca. Archiviert vom Original am 27. Februar 2008; abgruefen am 27. Februar 2008.
- ↑ Motty, die Kreuzung aus afrikanischem und asiatischem Elefanten. Archiviert vom Original am 13. November 2003; abgruefen am 6. August 2015.
|
Dä Artikel basiert uff ere fräie Übersetzig vum Artikel „Elefanten“ vu de dütsche Wikipedia. E Liste vu de Autore un Versione isch do z finde. |