Moolerei vo dr Rönessãns

D Moolerei vo dr Rönessãns het öbbe 1420 z Floränz aagfange (Früerönessans 1420-1500), und isch am Aafang vom 16. Joorhundert uf iirem Höhepunkt gsi (Hoochrönessans, 1500-1520). Iiri Spootzit isch vom Manierismus überschattet worde, wo 1520/30 ufchoo isch. Sit dr Wändi zum 16. Joorhundert si in alle öiropäische Länder Forme vo dr Rönessãns übernoo worde und de jewiilige Dradizioone aabasst worde.

Die künstlerischi Moolerei het sich uf s Usmoole vo Chillene und Chlöster und deene iiri Altarbilder konzentriert. Bordret, Landschafte, Alldaagsszeene und Stilllääbe si im Middelalter und in dr Rönessãs erst seer spoot as Kunstgmäld drzuechoo.

D Moolerei in dr Rönessãns isch dr esthetisch Inbegriff vo Eleganz und Form, wo sich e Hufe vo de Norme vo dr Modärne druf stütze. Iire Iifluss uf d Moolerei vo spöötere Generazioone isch überwältigend gsi. Die wichdigste Arbetstechnike wie au d Uswaal vo de Themene und wie si daargstellt wärde, häi sich in däm Zitalter entwicklet.

Litratuur

G. Kauffmann: Die Kunst des 16. Jahrhunderts, 1970
O. Benesch: The Art of the Renaissance in Northern Europe, 1965
H. Wölfflin: Renaissance und Barock, 1926
Anna-Carola Krauße: Geschichte der Malerei. Von der Renaissance bis heute; Ullmann/Tandem Verlag
Herbert Alexander Stützer: Malerei der italienischen Renaissance; DuMont Verlag
Rolf Toman: Die Kunst der italienischen Renaissance; Könemann Verlag
Andrew Martindale: Die Renaissance Architektur, Plastik, Malerei, Illustrationen und Zeichnungen; C. Bertelsmann Verlag
Norbert Huse und Wolfgang Wolters: Venedig - Die Kunst der Renaissance. Architektur, Skulptur und Malerei 1460 - 1590

Weblingg

Commons: Moolerei in dr Rönessãns – Sammlig vo Multimediadateie

Dä Artikel basiert uff ere fräie Übersetzig vu dere Version vum Artikel „Malerei_der_Renaissance“ vu de dütsche Wikipedia. E Liste vu de Autore un Versione isch do z finde.