S 16. Jahrhundert hät am 1. Januar 1501 aagfange und am 31. Dezember 1600 uufghört.

Mit dr Reformation vom Luther im Jahr 1517 hät s Spaatmittelalter in Europa uufghört und es hät demit d Epoche vo der früehe Neuziit aagfange.

Ereigniss / Entwicklige ändere

  • De Martin Luther verteidiget siini Position vor em Riichstag zu Worms (1521)
  • Vollendig vo dr 1. Weltumseglig dur de Juan Sebastián Elcano (1522)
  • König Heinrich VIII. bricht mit dr katholische Chile (1533)
  • D Ziit vo de grosse europäische Hexeverfolgige fangt gege Endi vom Jahrhundert aa
  • D Türke schlönd Ungarn (Schlacht bi Mohács, 1526) und belagered Wien (Erschti Wiener Türkebelagerig, 1529)
  • De Nikolaus Kopernikus veröffentlicht siini Theorie vom heliozentrische Weltbild (1543)
  • Sieg vo de christliche Grossmächt under em Don Juan de Austria über d Osmane i dr Seeschlacht vo Lepanto (1571)
  • Kulmination vom französische Religionschrieg zwüsched Katholike und Hugenotte i dr Bartholomäusnacht (1572)
  • Dr Gregorianischi Kalender wird i viilne katholische Länder iigfüehrt (1582)
  • Sieg vo dr britische Flotte under em Sir Francis Drake über di schpanisch Armada (1588)

Persönlichkeite ändere

  • Erasmus von Rotterdam, Humanischt und Vorriiter vo dr Reformation († 1536)
  • Martin Luther, religiöse Reformator († 1546)
  • Michelangelo Buonarotti, Maler und Bildhauer († 1564)
  • Thomas More, englische Politiker und Schriftschteller († 1535)
  • Miguel de Cervantes, schpanische Schriftschteller († 1616)
  • Elizabeth I., englischi Königin († 1603)
  • Karl V., König vo Schpanie und Kaiser vom Heilige Römische Riich († 1558)
  • Philip II., schpanische König († 1598)
  • Nikolaus Kopernikus, Aschtronom († 1543)
  • Michel de Montaigne, französische Philosoph, Moralischt und Begründer vo dr Essayistik († 1592)
  • Giordano Bruno, italienische Philosoph und Aschtronom poschtuliert i dr Tradition vom Nikolaus Cusanus d Unendlichkeit vom Universum und erchännt erschtmalig - übers heliozentrische Weltbild vom Galileo Galilei usegehend - dass d Sunne nur eine vo unendlich viile Fixschterne isch († 1600)
  • William Shakespeare, englische Dichter und Dramatiker († 1616)

Erfindige und Entdeckige ändere

  • Schüüsspulver
  • mechanischi Uhre (Ziitmesser)

Weblink ändere


  Dä Artikel basiert uff ere fräie Übersetzig vum Artikel „16._Jahrhundert“ vu de dütsche Wikipedia. E Liste vu de Autore un Versione isch do z finde.