Mammutmuseum Niderwenige

S Mammutmuseum Niderwenige isch es im 2005 eröffnets Museum z Niderwenige, wo d Mammutfund uf em Gmeindsbann düent zeige und d Umständ düent darstelle, unter denne in de Iiszit vor öppe 45'000 Johr d Mammut im Wehntal gläbt hei.

Vorgschicht

Scho in de Johr 1890/91 het me z Niderwenige Fossilie vo Mammut gfunde. Bis hüt sins Überräscht vo mindescht nün Mammut, wo me usgrabe hät. Au anderi Tiir, wi Wollnashörner, Wildross, Steppebison, Wölf und Höhlehyäne, aber au Insekte- und Pflanzeräscht sind gfunde worde. Am spektakulärschte isch de Fund vo eme Mammutskelett im Juni 2003 gsi, wo denn zur Gründig vom Museum gführt het.

S Museum

Im Museum wärdet Fund vo 2003 präsentiirt, aber au d Rekonschtruktion vo eme Skelett vo eme Mammutkalb und vo eme usgwachsene Mammut. Dezue chunnt d Darstellig vo de Läbesbedingige in dere Ziit mit de Flora und Fauna. En Zitkanal zeigt, wi me d Fund ziitlich muess iiordne. Mit emem Mikroskop cha me sälber d Räscht vo Insekte, chlini Chnoche- und Zahnfünd vo Müüs, Grasfrösch, Fisch und Pflanzesame ga aaluege.

Weblink

D Website vom Museum