Manfred Lucha
| Dialäkt: Undermarkgreflerisch |
Dr Manfred „Manne“ Lucha (* 13. Merz 1961 z Garching an der Alz) isch e dytsche Sozialarbaiter un Bolitiker (Bindnis 90/Di Griene). Syter anne 2011 isch er Abgordnete im Landdag vu Bade-Wirttebärg. Syt Mai 2016 isch er Minischter fir Sozials un Integration im Kabinett Kretschmann II.
Uusbildig un Beruef ändere
Dr Manfred Lucha isch im oberbyaerische Garching uf d Wälkt chuu. No dr Schuel het er e Lehr zum Chemywärcher gmacht un sy Zivlidienscht im Jugedhuus Weingarten glaischtet. Derno het er di Mittler Ryfi gmacht un en Uusbildig zum Chrankebfläger am Psychiatrische Landeschrankehuus Weißenau gmacht. Dr Lucha het dernoo d Fachhochschuelryfi noogmacht un schließlig an dr FH Weingarte Sozialarbet studiert. Noch em Diplom anne 2005 het er z Weingarten no ne Master in Management im Sozial- und Gesundheitswesen gmacht. Syt dr 1990er Johr schafft er in dr psychiatrischer Vorsorgig vu dr Region Bodesee-Oberschwabe, unter anderem as Laiter vum gmaindepsychiatrische Zäntrum Pauline 13 z Hafe.
Bolitischi Laufbahn ändere
Dr Manne Luchae isch Grindigsmitglid vu dr Griene z Altötting anne 1979 gsii. Syter anne 1994 isch er Mitglid ím Gmaindsrot vu Raveschburg un dert syt 2001 Fraktionsvorsitzer vu dr Griene. Syt 1999 isch er Mitglid im Kraisdag vum Landkrais Raveschburg un dert stellverdrättende Fraktionsvorsitzer. Vu 1998 bis 2000 isch dr Lucha Mitglid vum Landesvorstand vu dr Griene z Bade-Wirttebärg gsii.
Bi dr Bundesdagswahle 1990 un 1998 isch er Kandidat vu dr Griene im Wahlkrais Raveschburg-Bodesee gsii, isch aber nit gwehlt wore. Au bi dr Landdagswahle 1996, 2001 un 2006 het kandidiert.
Bi dr Landdagswahl z Bade-Wirttebärg 2011 isch er mit 21,6 % vu dr Stimme iber s Zwaitmandat im Wahlkrais Raveschburg in dr Landdag vu Bade-Wirttebärg gwehlt wore. Dert isch er Obmann im Sozialuusschuss un Mitglid im Petitionsuusschuss, derzue isch er Vorsitzer vum griene Arbetskrais VII Soziales un Sprächer vu syre Bartei fir Behinderti Mänsche un fir Chrankehyyser un Psychiatry. Bi dr Landdagswahl 2016 het er sy Stimmenaadail uf 33,1 % gstaigeret un het dodermit s Diräöktmandat gwunne.
Sunschtigs Engaschmänt ändere
- Sprächer vum gemeindepsychiatrischen Verbund Bodenseekreis
- stellverdrättende Bundesvorsitzer vu dr Bundesarbeitsgemeinschaft gemeindepsychiatrischer Verbünde e. V.
- Mitglid vum Verwaltigsrot un vum Kreditsuusschuss vu dr Kreissparkasse Ravensburg
- Mitglid bi ver.di
- Mitglid im Bund für Umwelt un Naturschutz (BUND)
- Mitglid im Verkehrsclub Deutschland (VCD)
- Mitglid im Dytsche Alperverain (DAV)
- Mitglid im Fueßballverein FV Ravensburg
Familie und Privates ändere
Dr Manfred Lucha läbt syt iber 30 Johr z Raveschburg. Är isch ghyrote un het mit syre Frau Ulrike ne Dochter, Isabelle, un e Suhn, Dominik.
Literatur ändere
- Johann Meltzner: Schwäbischer Grüner mit bayerischen Wurzeln. Manfred Lucha. In: Profile Ravensburg. Biberacher Verlagsdruckerei, Biberach 2008, ISBN 978-3-933614-40-7, S. 140–143
Weblink ändere
Commons: Manfred Lucha – Sammlig vo Multimediadateie