Margrit Läubli

D Margrit Läubli (* 3. April 1928 z Züri) isch e Schwiizer Dänzere, Schauspiilere und Kabarettistin.

Läbe und Wärk

Noch ere Ballettusbildig am Zürcher Operehuus isch d Läubli Mitgliid vom Cabaret Cornichon worde und denn vom Cabaret Fédéral. Usserdäm het si as Schauspiilere in Spiilfilm gschafft und as Fotimodäll uf Laufstäg und in dr Wärbig. 1956 het si dr César Keiser ghürotet. Si hai zwai Söhn gha, dr Lorenz (* 1959), wo au as Kabarettist duet ufdrätte, und dr Mathis (* 1958). Ab 1962 dräte dr César Keiser und d Margrit Läubli zsämme in eigene Cabaret-Broduktione uf. 1990 hai si dr grooss Cornichon-Briis vo de Oltener Cabaretdäg überchoo, 1999 dr Salzburger Ehre-Stier z Leipzig, 2004 dr Ehre-Prix Walo vo dr Show-Szene Schwiiz für ihr Läbenswärk.

Filmographii

Anjas Engel (2005)
Chikita ihr klein Häuschen / Wenn Männer Schlange stehen (1961)
Hanussen (1955)

Literatur

Stefan Koslowski, Christine Wyss: Margrit Läubli. In: Andreas Kotte (Hrsg.): Theaterlexikon der Schweiz. Band 2. Chronos, Zürich 2005, ISBN 3-0340-0715-9, S. 1085 f.

Weblingg

Margrit Laubli in de Internet Movie Database (änglisch)
Website vom César Keiser und dr Margrit Läubli

Dä Artikel basiert uff ere fräie Übersetzig vum Artikel „Margrit_Läubli“ vu de dütsche Wikipedia. E Liste vu de Autore un Versione isch do z finde.