Martin Hahn
| Dialäkt: Undermarkgreflerisch |
Dr Martin Hahn (* 13. Oktober 1963 z Stocke) isch e dytsche Buur un Bolitiker (Bindnis 90/Di Griene). Syter anne 2011 isch er Abgordnete im Landdag vu Bade-Wirttebärg.
Uusbildig un Beruef
ändereDr Martin Hahn isch ab 1970 uf d Grundschuel z Stocken gange un het dert au anne 1980 an dr Realschuel di Mittler Ryfi gmacht. No dr Schuel het er Buur glehrt un anne 1986 dr Landwirtschaftsmaischter. Är buurt uf em Helchehof z Bonndorf, eme Ortsdail vu Iberlinge, no dr Demeter-Richtlinie fir dr ekologisch Landböu. Är haltet Milchchie un böut Gmies un Obs aa.
Bolitischi Laufbahn
ändereDr Martin Hahn isch anne 1983 dr Freie Griene Lischt Iberlinge bydrätte. Vu 1989 bis 1991 isch er Mitglid im Landvorstand vu dr bade-wirttebärgische Griene gsii. Vu 1992 bis 2010 isch er fir d Liste für Bürgerbeteiligung und Umweltschutz (LBU) im Gmaidsrot vu Iberlinge ghockt. Bi dr Bundesdagswahl 1994 het er im Wahlkrais Raveschburg–Bodesee kandidiert, isch aber nit gwehlt wore. Anne 2004 isch er in dr Kraisdag vum Bodeseekrais gwehlt wore un isch dert vu 2009 bis 2011 Fraktionsvorsitzer vu dr Griene gsii. Bi dr Landdagswahl z Baden-Wirttebärg 2006 isch er zum erschte Mol as Landdagskandidat im Landdagswahlkrais Bodesee aadrätte. Bi syre zwoote Kandidatur bi dr Landdagswahl 2011 isch er in dr Landdag gwehlt wore. Dert isch er landwirtschaftsbolitische Sprächer vu syre Fraktion. Syt em Novämber 2012 isch er Mitglid im Vorstand vum griene Kraisverband Bodesee.
Sunschtigs Engaschmänt
ändere- Jugedarbet im Freie Jugendhaus Stockach: 1979-1984
- Mitglid in dr Landesarbeitsgemeinschaft Landwirtschaft: 1985-1995
- Mitglid in dr Bundesarbeitsgemeinschaft Landwirtschaft: 1986-1995
- Sprächer vu dr Bundesarbeitsgemeinschaft Landwirtschaft: 1991-1993
- Grindig vu dr Bauerngemeinschaft Bodensee: 1992/1993
- Grindig vu Bio-Milch vom Bodensee: 1994
- Mitprofilierig vu dr regionale Biomarke „Von Hier“: syt 1998
- Mitgrindig vum Biologisch-dynamische Bündnis Bodensee: 2003-1005
- Böu vum Regionalschlachthof Iberlinge: 2005
- Mitglid im Bund für Umwelt und Naturschutz (BUND)
- Mitglid im Naturschutzbund (Nabu)
- Mitglid im Badische Landwirtschaftliche Hauptverband e. V. (BLHV)
- Mitglid vu dr ABL - Arbeitsgemeinschaftgemeinschaft bäuerliche Landwirtschaft
- Mitglid im Ufsichtsrot vu dr Volksbank eG Überlingen
Persenligs
ändereDr Martin Hahn isch katholisch. Är het vier Dechtere.