Maske

Dä Artikel behandlet dr Begriff «Maske» im Allgemäine. Für spezifischi Bedütige vo «Maske» lueg doo.

E Maske (vo arabisch maskharat „Narr, Posse, Ziggle, Sträich“) isch e Gsichtssbedeckig und wird im Theater und in dr Kunst und für rituelli und religiöösi Zwäck verwändet. Vilmol chunnt drzue e Verchläidig oder Gostüm. As Schutzmaske cha si s ganze Gsicht oder Däil von em zuedecke und eso schütze. D Bezäichnig Maske wird vilmol au für e Gostümierig vom Körper verwändet, vo dr Halbmaske bis zur Ganzkörpermaske. Im Theater und bim Film wird dr Ort, wo d Maskebildner schaffe, as «d Maske» bezäichnet.

E Maske us Stäi us dr vorkera­mische Jungstäizit um 7000 v. d. Z., es isch äini vo de eltiste Maske uf dr Wält und befindet sich im Musée Bible et Terre Sainte z Bariis.

Ursprünglig si Maske blastischi Gebild us natürlige Material wie Pflanzedäil, Lääder, Holz, Doon oder Duech gsi, wo s Gsicht versteckt häi. In dr nöijere Zit wärde si mäistens us Kunststoff gmacht.

Maske chömme in de underschiidligste Zämmehäng vor. Je noch dr Kultur findet mä sä bi religiööse und andere Ritual, sige s rituelli Dänz bi indigene Volker oder d Fasnacht in dr Alemannia, im Theater und bim Film, in dr Kunst, in dr Medizin as Beootmigsmaske, bi dr Aarbet as Schutzmaske, im Sport bim Dauche oder as mechanische Schutz bim Fächte und andere Sportarte, wo für s Gsicht chönnte gföörlig wärde.

• E baar Maske us dr ganze Wält
• 
  Elfebäiküste
• 
  E Masgge an dr Baasler Fasnacht
• 
  Römischi Theatermaske
• 
  Südasie
• 
  Im Zirkus: e Wissgloon und hinder em e Dumme August
• 
  Gaasmaske im Erste Wältchrieg
• 
  Suurstoffmaske
• 
  E punischi Maske us Tunesie
• 
  Zentralafrika
• 
  e Dootemaske vom Tutanchamun us em Alte Egüpte

Litratuur

• Kurt Röttgers, Monika Schmitz-Emans: Masken. (= Philosophisch-literarische Reflexionen. Band 11). Verlag Die Blaue Eule, Esse 2009, ISBN 978-3-89924-262-1.
• Eckhard Leuschner: Persona, Larva, Maske. Ikonologische Studien zum 16. bis frühen 18. Jahrhundert. Lang, Frankfurt am Main 1997. 
• Richard Weihe: Die Paradoxie der Maske. Geschichte einer Form. Fink, Münche 2004, ISBN 3-7705-3914-1. 
• Theodora Kroeber: Ishi in two worlds. University of California Press, 1961, ISBN 0-520-00675-5.
• Hans Belting: Faces. Eine Geschichte des Gesichts. C.H. Beck, 2013, ISBN 978-3-406-64430-6.

Weblingg

 Commons: Maske – Sammlig vo Multimediadateie

Dä Artikel basiert uff ere fräie Übersetzig vum Artikel „Maske“ vu de dütsche Wikipedia. E Liste vu de Autore un Versione isch do z finde.