Masuwara

Masuwara (hethit. Masuwada; assyr. Til-Barsip; altgriech. Βέρσιβα, Bérsiba) isch e neohethitische Stadtstaat gsii.

Laag

Masuwara isch e Stadt am Ostufer vom Euphrat gsii, er isch identisch mit de assyrische Stadt Til-Barsip und em antike Bersiba und mit de Uusgrabig vo Tall Aḥmar („Rote Hügel“). Zom Piet vo Masuwara het Hadatta (ass. Ḫadattu; us aram. ḥdṯ-t „die Noi“) ghört, wo identisch isch mit de Uusgrabig Arslantaş („Loiestai“). Masuwara isch umgee gsii vo aramäische Stämm, gegenöber em Euphrat isch de neohethitischi Stadtstaat Karkamis glege.

Gschicht

Us hieroglypheluwische Inschrifte vo Masuwara isch bikannt, ass im spoote 10. Joorhundert v. Chr. sich zwoo Königsfamilene um de Thron gstritte hend. Ane 899 werd zerstmool de aramäischi Stamm Bit-Adini gnennt, wo bald drufabe d Macht öber Masuwara öbernoo het, wo denn i assyrische Quelle Til Barsip gnennt werd. De assyrisch König Assurnasirpal II. hett e längere Chrieg gege de König Aḫuni vo de Bit-Adini gfüert und 856 v. Chr. isch Til-Barsip underem Salmanessar III. en assyrischi Provinz wore und Til-Barsip isch noi Kar-Salmanessar gnennt wore.

König vo Masuwara

I Chlammere stönd d Joore, wo die Könige bilait sind. Ali Joorzaale sind v. Chr.

neohethitischi König

Hapandila (10. Jh.)
Ariyahina (10. Jh.), Enkel vom Hapatandila
Vatter vom Hamiyatta (10. Jh.), Usurpator
Hamiyatta (10. Jh.), Brüeder vom Arpa
Soo vom Hamiyatta (10. Jh.)
Soo vom Ariyahina (10. Jh.)

aramäischi König vo de Bit-Adini

Aḫuni (877, 856)

assyrischi Provinz sitt 856.

Literatur

François Thureau-Dangin, Maurice Dunand: Til Barsip. P. Geuthner, Paris 1936. Haut-commissariat de la République française en Syrie et au Liban, Service des antiquités. Bibliothéque archéologique et historique 33.
Guy Bunnens: Tell Ahmar: 1988 season. (= Publications of the Melbourne University Expedition to Tell Ahmar 1; Abr-Nahrain Supplement Series 2). Leuven 1990, ISBN 90-6831-322-3.
Guy Bunnens: Tell Ahmar II: a new Luwian stele and the cult of the Storm-God at Til Barsib-Masuwari. Peeters, Louvain 2006. (Publications de la Mission archéologique de l'Université de Liège en Syrie), ISBN 978-90-429-1817-7.
Stephanie Dalley: Neo-Assyrian Tablets from Til Barsib. In: Abr-Nahrain. 34 (1996/97), S. 66–99.
Elisabeth Fontan: Les peintures murales de Til Barsip. In: Dossiers d'Archéologie. Nr. 171, 1992, S. 83.
Fred C. Woudhuizen: The Recently Discovered Luwian Hieroglyphic Inscription from Tell Ahmar. In: Ancient West & East. 9 (2010), S. 1–19.
Andrew Jamieson: Tell Ahmar III. Neo-Assyrian Pottery from Area C. (= Ancient Near Eastern Studies Supplement Series 35). Peeters, Leuven 2012, ISBN 978-90-429-2364-5.