Maurice Bazin
| Dialäkt: Mìlhüüserisch |
Dr Maurice Bazin (* 28. Septamber 1893 z’ Demangevelle ìm Département Haute-Saône; † 28. Oktoower 1944 z’ Saint-Ylie ìm Département Jura) ìsch a frànzeescher Politiker gsìì. Ar ìsch vu 1936 bis 1942 Mìtglìed ìn dr Àbgoordnetakàmmer vu dr Drìtta Frànzeescha Repüblik gsìì.
sii Laawa un Kàrriar
ändereDr Maurice Bazin ìsch ànna 1893 ìn’ra Büürafàmìlia ìm Dorf Demangevelle ìn dr Fräigràfschàft Burgund uff d’ Walt kumma. Ar ìsch ìm Gérôme-Gymnàsium z’ Wesel gànga. Gschtudiart hàt’r z’äärscht àn dr Üniwärsiteet vu Nànzig ìm Lothrìnga, un drnooh àn dr Nàzionààla Veterinäärmedizinischa Schüal vun Alfort bii Pàris. Z’ Dampierre ìm Jura ìsch’r Tiaràrzt gsìì. Doo ìsch’r àui Bìrgermaischter un Generààlroot gsìì.
Ìn Politik ìsch dr Bazin Mìtglìed vum Demokràtischa Bìndniss gsìì. Ìm Mai 1936 ìsch’r àls Àbgoordnet’r üss Dàtteried gwählt worra. Ìn dr Àbgoordnetakàmmer ìsch’r Mìtglìed ìn dr Fràkzioon „Bìndniss vu da Lìnksrepüblikàner un da unàbhangiga Ràdikàler“ (Alliance des républicains de gauche et des radicaux indépendants) gsìì. Àm 10. Jüüli 1940 hàt’r fìr d’ umfàssenda Vollmàcht vum Philippe Pétain gschtìmmt. Dur a Verordnung ìsch d’ Àmtszitt vu da Àbgoordneta vu dr 16. Legislàtüürperiooda bis àm 31. Mai 1942 verlängert worra.
Ànna 1939 ìsch dr Bazin ìn da Frànzeescha Schtraitkräfta mobil gmàcht worra gsìì. Àn dr Befräijung ìsch’r dur Wìederschtàndskampfer verhàftet worra. Kurz drnooh ìsch’r ìm Àlter vu 51 Joohra ìm Schpìtààl vu Saint-Ylie ìm hìttiga Dàtteried ìm Jura gschtoorwa, ìn unklààra Bedìngunga.
Lìteràtüür
ändere- Maurice Bazin. In: Jean Jolly (Hrsg.): Dictionnaire des parlementaires français (1889-1940). Presses universitaires de France, Paris 1960 (französisch).
- BAZIN Maurice. In: Pierre R. Sonet (Hrsg.): Dictionnaire biographique de la Haute-Saône. SALSA, Vesoul 2005, ISBN 2-85642-060-5 (französisch).
Weblìnks
ändere- Dr Maurice Bazin ìn dr Sycomore-Dàtabànk vu dr frànzeescha Nàzionààlversàmmlung (frànzeesch)