Franche-Comté

Region vun Frànkrich

D Franche-Comté (dütsch: Freigrafschaft) isch bis Endi 2015 eini vo de 26 Regione vo Frankriich gsi. Hüt ghört si zue dr Region Bourgogne-Franche-Comté.

Franche-Comté
Ehmolige frànzeesche Region (bìs 2015)
Fàhne vu dr friare Region Franche-Comté Wappe vu dr friare Region Franche-Comté
Làg vu dr friare Region Franche-Comté ìn FrànkrichNord-Pas-de-CalaisPicardieChampagne-ArdenneLothringenElsassHaute-NormandieBasse-NormandieBretagneCentre-Val de LoireIle-de-FranceBurgundFranche-ComtéPays de la LoirePoitou-CharentesLimousinAquitanienMidi-PyrénéesLanguedoc-RoussillonAuvergneRhône-AlpesProvence-Alpes-Côte d’AzurKorsikaAndorraMonacoLiechtensteinÖsterreichLuxemburgBelgienNiederlandeVereinigtes KönigreichDeutschlandSchweizItalienGuernseyJerseySpanien
Làg vu dr friare Region Franche-Comté ìn Frànkrich
Bàsisdàte
Hit Deil vo Bourgogne-Franche-Comté
Präfektür Besançon
Bevelkerung

 – gesamt 2013
 – Dìchte

1,177,096 Iiwohner
0 Iiwohner/km²

Fleche

 – gesamt
 – Ààdeil àn Frànkrich:

16.202 km²
2,5 %

Département 4
Arrondissement 9
Kanton 116
Gmeine 1.785
Friajere ISO 3166-2-Code FR-I

Sprooch ändere

Die alti Sprooch vo der Regioon isch s Franc-comtois.

Geographii ändere

Zu de Freigrafschaft, wo ihre Name vo de ehemolige Grafschaft Burgund het, hei di Departement Doubs (25), Jura (39), Haute-Saône (70) und Territoire de Belfort (90) ghört. Im 1999i het d Franche-Comté öppe 1,1 Millione Iiwohner gha.

D Freigrafschaft het an d Schwiiz, s Elsass, Lothringe, Champagne-Ardenne, Burgund und Rhône-Alpes gränzt. Im Norde hei Deil vo de Vogese zur Franche-Comté ghört, im Oschte e grosse Deil vom Jura. De höchschti Punkt vo de ehmolige Region ligt uf em Crêt Pela mit 1495 Meter im Departement Jura. Di wichtigschte Flüss sind d Saône, de Doubs und de Ain. Öppe 43 Prozänt vo de Region sind bewaldet, dadermit isch d Freigrafschaft di waldriichschti Region vo Frankriich. Uf de andere Site isch d Franche-Comté ehnder dünn bsidlet. S het numme öppe 70 Iiwohner pro Quadratkilometer.

Di gröschte Schtädt vo de Freigrafschaft sind Besançon, Belfort, Mömpelgard, Dole und Pontarlier.

Gschicht ändere

I de früegschichtliche Periode isch d Franche-Comté vom Volksschtamm vo de Sequaner bsidlet gsi. Iri Hauptstadt Vesontio isch a de Stell vom hütige Besançon gläge.

Zue de Zit vo de Völkerwanderung isch d Gegend vo de Burgunde bsidlet gsi, und si het sit 534 zum Fränkische Rych ghört. Spöter het s Gebièt zum Könnigrych Burgund ghört, mit demm si 1033, wo der kinderlose burgundische Könnig Rudolf III. ane 1032 gstorben isch, as Heilige Römische Rych cho isch.

Zue de Zit vom Könnigrych Burgund, i de erschte Hälfti vom 10. Johrhundert, hen d Brüèder Letald II., dr Grõf vo Macon, un de Humbert demit aagfange, iri Macht i de Region uuszbaue. De Letald het sich d Grõfschafte Amerous (Amous), Portois, Varasque (Varais) un Scodinque (Escouens) gschnappt, de Humbert isch de erschte bekannte Herr vo Salins un vo de Saline, wo Rychdum voschproche het. Im Humbert sini Nõchfaare hen Salin bis zum End vom 12. Johrhundert regyrt, im Letald sin Bsitz isch a sin Enkel Otto Willelm († 1026) us em Huus Burgund-Ivrea gange, wo denn als erschte Grõf vo Burgund uffdrette isch. Sini Nõchfolger hen d Obberhoheit vom Kaiserrych bschtätigt. Übber d Beatrix vo Burgund, wo vom Otto Willelm abgstammt isch, isch s Land denn a de Fridrich Barbarossa gange.

Literatur ändere

Weblink ändere

  Commons: Freigrafschaft Burgund – Sammlig vo Multimediadateie


  Adminischtràtivi Regione vun Frànkrich  

France métropolitaine :   Auvergne-Rhône-Alpes •   Bretagne •   Burgund-Franche-Comté •   Centre-Val de Loire •   Grand Est •   Hauts-de-France •   Île-de-France •   Korsika •   Neu Àquitània •   Normandie •   Okzitanie •   Pays de la Loire •   Provence-Alpes-Côte d’Azur

Iww´rseeregione :   Guadeloupe •   Guyane •   Martinique •   Mayotte •   Réunion

France métropolitaine bis 2016 :   Aquitanie •   Auvergne •   Bretagne •   Burgund •   Centre-Val de Loire •   Champagne-Ardenne •   Korsika •   Elsass •   Freigrafschàft •   Île-de-France •   Languedoc-Roussillon •   Limousin •   Lothringe •   Mittleri Pyrenee •   Nord-Pas-de-Calais •   Oberi Normandii •   Unteri Normandii •   Pays de la Loire •   Picardi •   Poitou-Charentes •   Provence-Alpes-Côte d’Azur •   Rhône-Alpes