Besançon

	Besançon
Verwàltung
Land	Frànkrich
Region	Bourgogne-Franche-Comté
Département	Doubs (25) - (Präfektur)
Arrondissement	Besançon (Unterpräfektur)
Kommünàlverbànd	Grand Besançon
Àmtliga Nàma	Besançon
Maire	Jean-Louis Fousseret (2014-2020)
Code Insee	25056
Poschtlaitzàhl	25000
Iiwohner
Iiwohner	119.198
Flech	65,05 km2
Bevelkerungsdicht	1.811,47 Iiw./km2
Làg
Koordinate	47° 14′ 32″ N, 6° 01′ 17″ E / 47.242222222222°N,6.0213888888889°EKoordinate: 47° 14′ 32″ N, 6° 01′ 17″ E / 47.242222222222°N,6.0213888888889°E
Heche	248 m
	Besançon Besançon (Frànkrich)
Website
	http://www.besancon.fr

Besançon [bəzɑ̃ˈsõ] (dütsch früener emol Bisanz, lat. Vesontio) isch e Stadt mit 118.258 Iiwooner (Stand 1. Januar 2020) im Oste vo Frankriich. Si isch dr Sitz vo dr Verwaltig vom Département Doubs, dr Hauptort vo dr Region Franche-Comté und dr Sitz vom Erzbistum Besançon.

Bevölkerig ändere

Dä Iiwooner vo dr Stadt säit mä Bisontinerinne/Bisontiner (frz. Bisontines/Bisontins). D Bevölkerig vom Balligsruum Besançon zelt 244'448 Iiwooner.

Gschicht ändere

Dr Ort isch in ere Schläife vom Fluss Doubs gründet worde und het wääred dr Zit vom Römische Riich under em Naame Vesontio e wichdigi Rolle gspiilt. Im Middelalter het Besançon dr Status von ere freie Stadt im Häilige Römische Riich ghaa. Wääred em 17. Joorhundert isch d Region vo dr hütige Franche-Comté hert umkämpft worde, erst 1678 isch Besançon Däil vo Frankriich worde. D Franzoose häi d Stadt denn stark befestigt. Wääred dr Industrialisierig isch Besançon e Zentrum vo dr französische Uure- und Textilindustrii worde. Bis hüte isch d Stadt in de Beriich vo dr Mikro- und Nanotechnologii wichdig.

Geografy ändere

A dr schmelschte Stell vo dr Doubs-Schlauf isch ufem Felsebärg d Zitedälle vo Besançon. Underem Bärg dure füert e Stroossedunnel und au e Dunnel vom Rhin-Rhone-Kanaal.

Stadtbild ändere

D Stadt wird as die grüenschti Stadt vo Frankriich bezäichnet und het en usserordentlig hoochi Lääbeskwalidäät. Dank iirem riiche historische und kulturelle Erb und iirer äinzigartige Architektur isch si sit 1986 e Stadt vo dr Kunst und Gschicht. Iiri milidäärische Befestigungsaalaage, wo uf e Vauban zrugggöön, zele sit 2008 zum UNESCO-Wältkulturerb.

Besançon hät 14 Stadttail, wo zwüsched öpe 2'200 und knap 20'000 Iiwohner händ. De iiwohnerstärchscht isch Planoise im Süde vo dr Stadt.