Dole

Dole, isch e Stadt im französische Departemänt Jura.

D Stadt lyt am Rand vo dr Freigrafschaft a de Flüss Doubs und Clauge. Bi dr Stadt chunt dr Rhy-Rhone-Kanaal dure.

Im sächste Joorhundert het dr burgundisch König Gondebaud Dole zur Hauptstadt vom Gau vo Amaus gmacht. Und es isch au d Hauptstadt vo dr Grafschaft Burgund worde. Dr burgundisch Herzog Philipp dr Guet het dört en Universität gründet. 1691 isch d Uni uf Besançon verleit worde.

Vo 1493 aa het Dole de Habsburger ghört bis ane 1674, wo di französischi Armee under dr Füerig vom Marschall Vauban d Stadt eroberet het. Hüt isch Dole mit über 23000 Ywooner die gröschti Stadt vom Departemänt Jura.

I dr Altstadt vo Dole isch d Stiftschile us em 16. Joorhundert.

Bi Dole chrüze sech d Autobaan A 36 und A 39. Dr Baanhof lyt a dr Ysebaanlinie vo Dijon uf Vallorbe i dr Schwiiz und isch dr Usgangspunkt vo dr Ysebaanstrecki is Elsass und uf Stroossburg. Dört chunt dr TGV dure, wo vo Paris uf Bärn und Lausanne goot. I dr Nöchi vo dr Stadt isch dr Flugplatz Dole-Jura. Dr internazional Welowääg EuroVelo 6 het en Etappe bi Dole.

E Partnerstadt vo Dole isch Lohr, Baade-Württebärg.

• 
  Dole
• 
  dr Gärberkanaal
• 
  d Brugg vom Ludwig em fuffzääte
• 
  s alte Spitaal
• 
  d Räschte vo dr römische Brugg
• 
  dr Rhy-Roone-Kanaal under dr Stadtmuur

Lüt

• Louis Pasteur

Weblink

 Commons: Dole – Sammlig vo Multimediadateie

• Ansgar Wildermann: Dole. In: Historisches Lexikon vo dr Schwiiz.