D Maya Stojan (* 28. Juni 1986 z Gämf) isch e Schwyzer Schauspiileri, wu in dr USA läbt.

Lääbe ändere

D Maya Stojan isch z Gämf uf d Wält chuu un deert mit ere jingere Schweschter ufgwagse. Iri Mueter isch vu Sri Lanka un ire Vater vu Tschechie. Si isch zwoosproochig mit Änglisch un Franzeesisch ufgwagse un z Gämf uf di internazionaal Schuel gange.[1][2] Anne 2008 het si an dr Hartt School of Theatre and Music z Hartford, Connecticut dr Bachelor of Fine Arts in Schauspiil gmacht un isch derno uf Los Angeles gange, wu si eerschti Rolle in Chuurzfilm un Fäärnseeprodukzioone iberchuu het. D Stojan het derno z Los Angeles bim Donovan Scott (2009), dr Carolyne Barry (2009) un bim Ivana Chubbuck Studio (Master Class 2011) wyter gleert.[3]

Ire eerscht Ufdritt as Schauspiileri het d Maya Stojan 2009 in dr zwee Chuurzfilm Chasing Forever un I Kill To Live ghaa. Im Joor druf het si im Thriller Sinners and Saints im Kino debütiert un im nämlige Joor au ne Gaschtufdritt in dr Fäärnseeserie Entourage ghaa, derno unter anderem in Criminal Minds un in aacht Episoode vu Marvel’s Agents of S.H.I.E.L.D. Vu 2013 bis 2015 het d Maya Stojan zue dr Bsetzig vu dr amerikanische Fäärnseeserie Castle gheert, au s dytschsproochig Publikum chännt si syterhär vu ire Roll as Tory Ellis in 26 Episoode vu dere Serie.[4]

Filmografy ändere

  • 2009: Chasing Forever (Chuurzfilm)
  • 2009: I Kill to Live (Chuurzfilm)
  • 2010: Entourage (Fäärnseeserie, 1 Episood)
  • 2010: Sinners and Saints
  • 2010: The Prometheus Project
  • 2011: Irish Eyes
  • 2011: The Faithful
  • 2012: Criminal Minds (Fäärnseeserie, 1 Episood)
  • 2012: Bad Weather Films (Fäärnseeserie, 1 Episood)
  • 2012: I Cut I
  • 2012: Plan B
  • 2013: Anatomy of Violence (Fäärnseefilm)
  • 2013: How to Live with Your Parents (Fäärnseeserie, 1 Episood)
  • 2013: The Contractor
  • 2013–2015: Castle (Fäärnseeserie, 26 Episoode)
  • 2014: Elwood
  • 2014: High School Possession (Fäärnseefilm)
  • 2014: That Guy: Pilot (Fäärnseefilm)
  • 2014–2015: Marvel’s Agents of S.H.I.E.L.D. (Fäärnseeserie, 8 Episoode)
  • 2015: I'm Patrick, and You're Insane
  • 2015: The Dahlia Knights
  • 2016: NCIS: Naval Criminal Investigative Service (Fäärnseeserie, 1 Episood)
  • 2016: Diagnosis Delicious (Fäärnseefilm)
  • 2017: Newness
  • 2017: Madtown (Fäärnseefilm)
  • 2019: Babysplitters
  • 2019: Flashout
  • 2019: 3 Day Weekend
  • 2019: Olden Times (Fäärnseefilm)
  • 2020: Case 347
  • 2020: Fatal Affair
  • 2020: Hollywood Fringe
  • 2020: Reboot Camp
  • 2021: Senior Moment
  • 2021: Atlanta Medical (The Resident, Fäärnseeserie, 1 Episood)
  • 2021: American Sicario
  • 2022: Magnum P.I. (Fäärnseeserie, 1 Episood)

Weblink ändere

Fueßnote ändere

  1. d Biografy vu dr Maya Stojan uf mayastojan.com abgruefen am 12. Februar 2020
  2. Maya Stojan, l'autre Romande à Hollywood (Französisch) 20 Minuten. 13. Februar 2014. Abgrüeft am 24. Mai 2015.
  3. IMDb Resume for Maya Stojan (Englisch) IMDb. Abgrüeft am 24. Mai 2015.
  4. Joshua Maloni: Q&A: Rising star Maya Stojan talks 'Castle,' 'Agents of S.H.I.E.L.D.,' Agent 33 (Englisch) wnypapers.com. 11. Mai 2015. Abgrüeft am 24. Mai 2015.


  Dä Artikel basiert uff ere fräie Übersetzig vu dere Version vum Artikel „Maya_Stojan“ vu de dütsche Wikipedia. E Liste vu de Autore un Versione isch do z finde.