Dialäkt: Mìlhüüserdiitsch

D’ Megan Jovon Ruth Pete (* 15. Hornung 1995 z’ San Antonio, Texàs), bass’r bekànnt unt’r ìhrem Kìnschtlernàmma Megan Thee Stallion, ìsch a US-àmerikànischa Rapperin, Sangera un Liadermàchera.

D’ Megan Thee Stallion ànna 2019
D’ Megan Thee Stallion bii ìhrem Ufftrìtt uff’m Superbloom-Festival 2022 ìm Olympiastadion z’ Mìncha

Sa ìsch z'äärscht bekànnt worra, wu sa ìhra Freestyle-Videos uff da soziààla Nätzwark, bsunderscht uff Instagram, veräffentligt hàt. Ànna 2018 hàt sa a Vertrààg bii 300 Entertainment unterschrììwa. Unt’r dam Läibel hàt sa ìhra Mixtape Fever (2019) un ìhra EP Suga (2020) veräffentligt. Baida Wark sìnn bis ìn d’ Top 10 vum Billboard 200 glunga.

Ànna 2020 hàt sa ìhr äärscht Schtüdioàlbum Good News veräffentligt. S’ Wark hàt sehr güata Kritik bikumma un ìsch uff Plàtz 2 vum Billboard Hot 200 ànakumma. Mìt’m Remix vum Liad Savage zamma mìt dr Beyoncé hàr sa ìhr äärschter Nummer-Ains-Hit ìn Amerikà ghàà. Ìhra Sìnggel WAP zamma mìt dr Cardi B ìsch eewafàlls Nummer-Ains-Hit ìn Àmerikà gsìì, wia àui ìn àndra Lander. S’ Liad ìsch àm Schpìtzaplàtz 1 vum Billboard Global 200 gsìì. Ànna 2021 hàt d' Megan Thee Stallion zamma mìt dr Doja Cat àm Remix vun dr Ariana Grande ìhrem Liad 34+35 mìtgmàcht. Dr Remix ìsch Zwaita ìm Billboard Hot 100 worra. Ìm saalwa Joohr ìsch ìhr äärscht Kùmpilàzioonsàlbum Something for Thee Hotties üssagànga. Àui ànna 2021 ìsch d’ Sìnggel Thot Shit ärschììna, wo bis ìn d’ Top 20 ìn Àmerikà glunga-n-ìsch. Fìr dàs Liad hàt sa a Nominiarung bii da Grammy Awards bikumma, ìn dr Kàtegorii „Bäschta Rap-Ufffiahrung“. Ànna 2022 ìsch ìhr zwait Schtüdioàlbum Traumazine üssagànga. S’ Wark ìsch vu sa Kritiker globt worra un ìsch uff Plàtz 4 vum Billboard Hot 200 ànakumma.

Ìm Làuif vun ìhrer Kàrriar hàt d’ Megan Thee Stallion mehrera Üsszaichnunga bikumma, drunter säcks BET Awards, fìmf BET Hip Hop Awards, viar American Music Awards, zwai MTV Video Music Awards, a Billboard Women in Music Award un dräi Grammy Awards. Bii dr 63. Verlaihung vu sa Grammy Awards ìsch sa d’ zwaita Fràui worra, wo-n-a Üsszaichung àls „Bäschter Näijer Kìnschtler” bikumma hàt – noh dr Lauryn Hill ànna 1999. Ànna 2020 hàt sie d’ Zittschrìft Time bii da 100 iiflussriichschta Litt ìn dr Walt glischtet.[1]

Weblìnks ändere

  Commons: Megan Thee Stallion – Sammlig vo Multimediadateie

Ainzelnoohwiisa ändere

  1. Taraji P. Henson: The 100 Most Influential People of 2020: Megan Thee Stallion. In: Time. 28. September 2020, archiviert vom Original am 27. März 2023; abgruefen am 19. Mai 2023 (amerikanischs Änglisch).
  Dä Artikel basiert uff ere fräie Übersetzig vu dere Version vum Artikel „Megan_Thee_Stallion“ vu de änglische Wikipedia. E Liste vu de Autore un Versione isch do z finde.