Mialet (Gard)

Mialet isch e französischi Gmeind in de Sevenne. Si ligt im Departement du Gard, im Gebiet vo Languedoc-Roussillon, wo zu de Region Okzitanie ghört.

Mialet
d Pont des Camisards, e historeschi Brugg, wo über de Gardon de Mialet füert (17./18. Jh.)
Verwàltung
Land	Frànkrich
Region	Region Okzitanien
Département	Gard (30)
Arrondissement	Alès
Kànton	La Grand-Combe
Kommünàlverbànd	Alès Agglomération
Àmtliga Nàma	Mialet
Maire	Jean-Marc VERSEILS (2014-2020)
Code Insee	30168
Poschtlaitzàhl	30140
Iiwohner
Iiwohner	629
Flech	30,76 km2
Bevelkerungsdicht	18,14 Iiw./km2
Làg
Koordinate	44° 06′ 39″ N, 3° 56′ 35″ E
Heche	175 m
Mialet Mialet (Frànkrich)
Website
http://www.mialet.fr

Geographii

D Gmeind isch e paar Kilometer vo Alès, Saint-Jean-du-Gard und Anduze entfernt. Di wichtigschte Sidlige, wo zu de Gmeind ghöre, sind d Dörfer Mialet und Mas Soubeyran. Si liged im Tal vom Gardon, wo uf sim Wäg es paar Mol sin Name duet ändre und doo Gardon de Mialet heisst.

Gschicht

In de Reformationsziit het Mialet de reformiert Glaube aagnoh. Im 1560i het doo di erschti Provinzsynode schtattgfunde und für s Johr 1613 isch e Stüürerhöhig nochgwise, wo de Vergrösserig vo de Chile dient het. E schwirigi Ziit für d Gmeind und di ganz Region het im 1685 aagfange, wo de Ludwig XIV. s Toleranzedikt von Nantes widerrufe het. D Kamisarde, wi me de reformierte Gläubige in de Sevenne seit, hei mit eme Partisanechrieg uf di Unterdrückig reagiert. Im März 1703 sind 670 Iiwohner vo Mialet, zu dene au 180 Chind ghört hei, uf Roussillion deportiert worde und de König het d Zerstörig vo allne Hüüser erlaubt. Erscht mit em Toleranzedikt vo 1787 het sich d Situation z Mialet und au schuscht in de Sevenne wider beruhigt. Ihri Bürgerrächt het d Bevölkerig im Dezember 1789 wider übercho und im 1837 ihri Chile.

Weblink

 Commons: Mialet (Gard) – Sammlig vo Multimediadateie

• Di offizielli Website vo Mialet