Mighty Roots
D Mighty Roots isch e Schwiizer Reggae-Band.
I de 1980er Johr het sich dr Kärn vo der Band zerschmol zämegfunde unter em Name Strictly Roots. 1992 het sich d Band neu formiert als Roots Vibration Reggae Band. Sit 1997 nennt sich d Band Mighty Roots Reggae Band. 2001 het si ihr erschts Album, Hear me calling, veröffentlicht; zu dere Zit isch d Mighty Roots au für en chline Prix Walo nominiert worde. D Mighty Roots händ mit de Wailers, mit Dubversive, Headcornerstone, Percubaba und Fusion Square Garden zäme gspilt. 2007 händ d Mighty Roots zäme mit Freakout Records, d EP Shake Loose realisiert. Nach ere Neustrukturierig het d Band vermehrt as Backing-Band afo agiere. 2010 händ si mit Funky Fresh bi Lee Everton s Album Perfect Place produziert. Ab 2011 het d Mighty Roots Reggae Band mit MG Florentine zäme afo schaffe, und 2014 händ si d EP Easy Say z Kingston produziert. Sit 2015 spielt d Band mit em Collie Herb zäme.[1] Mit ihm händ si 2016 s Album Bambus produziert.[2] „Warmi Reggae-Beats“ produziere si au mit der Jo Elle zäme.[3]
Kwelle ändere
- ↑ Biografie uf der Website vo de Mighty Roots
- ↑ Isabel Hempen: Reggae-Sänger Collie Herb: «Wir sind alle hier, um etwas Positives zu bewirken». In: Schweiz am Sonntag, 5. September 2016.
- ↑ Ride on Music trotz schlechtem Wetter erfolgreich. In: Jungfrau Zeitung, 13. März 2018.