Milchsüüribakterie

E Lactobacillus-Art im Liechtmikroskop

Systematik

Domäne:	Bakterie (Bacteria)
Abdeilig:	Firmicutes
Chlass:	Bacilli
Ordnig:	Milchsüüribakterie

Wüsseschaftlige Name

Lactobacillales

Ludwig et al. 2010

D Milchsüürbakterie (au Lactobacillales oder Suurmilchbakterie) bilde en Ordnig vo grampositive Bakterie, wo fakultativ anaerob si aber mäistens aerotolerant. Si baue Choolegüdrat zu Milchsüüri ab im ene Brozäss, wo mä as Milchsüürigäärig bezäichnet. Milchsüüribakterie chömme bi Mensche und bin e Hufe Dier vor. Si besiidle under anderem dr Verdauigsdrakt. Au in dr Milch cha mä sä finde. Wenn s gnueg von ene het, foot d Milch afo dick wärde wäge dr Milchsüüri, wo si broduziere. Das isch d Grundlag für d Härstellig vo Joghurt, Chääs und andere Milchbrodukt. Näbe de Milchsüüribakterie, wo industriell gnützt wärde, git s in dere Ordnig au Erreger vo Chrankhäite, z. B. e baar Streptococcus-Arte (Streptokokke).

Litratuur

Martin Dworkin, Stanley Falkow, Eugene Rosenberg, Karl-Heinz Schleifer, Erko Stackebrandt (Hrsg.): The Prokaryotes. A Handbook on the Biology of Bacteria, Volume 4: Bacteria: Firmicutes, Cyanobacteria. 3. Auflage. Springer-Verlag, New York 2006, ISBN 978-0-387-25494-4.
Paul Vos, George Garrity, Dorothy Jones, Noel R. Krieg, Wolfgang Ludwig, Fred A. Rainey, Karl-Heinz Schleifer, William B. Whitman: Bergey's Manual of Systematic Bacteriology: Volume 3: The Firmicutes. 2. Auflage. Springer-Verlag, New York 2009, ISBN 978-0-387-95041-9.

Weblingg

Commons: Milchsäurebakterien (Lactobacillales) – Sammlig vo Multimediadateie
Wikispecies: Lactobacillales – Arteverzeichnis
Allergiivorsorg dur Milchsüüribakterie

Dä Artikel basiert uff ere fräie Übersetzig vu dere Version vum Artikel „Milchsäurebakterien“ vu de dütsche Wikipedia. E Liste vu de Autore un Versione isch do z finde.