Minnereed

e lengeri Form vo dr spootmiddelalterlige Riimreed

D Minnereed isch e Form vo dr spootmiddelalterlige Riimreed. Im Gegesatz zu de chürzere Minnelieder in Kanzoneform het si us meerere hundert Värs in Riimbaar bestande und isch nit gsunge, sondern gsproche vordräit worde. E hufe Minnereede si Reflexioone über d Liebi Minne) oder Verzelige vo allegorische Begääbehäite und Dröim, wo in dr Iich-Form verfasst si.

S eltiste überliiferete Bischbil isch im Hartmann vo Aue si Büechli, wo men em au d Chlaag oder s Chlagebüechli säit. Minnereede si no bis ins 15. Joorhundert verfasst worde, vom Meister Altswert, vom Heinrich de Teichner und vom Peter Suchenwirt. Bedütend isch d Reed Der werden Minne Lehre (Ändi vom 13. oder Aafang vom 14. Joorhundert) vom Johann vo Konstanz, wo 2'500 Värs umfasst, und die drastisch-groobi Graserin.

Litratuur ändere

  • Tilo Brandis: Mittelhochdeutsche, mittelniederdeutsche und mittelniederländische Minnereden. Verzeichnis der Handschriften und Drucke. Münche 1968.
  • Kurt Matthaei: Mittelhochdeutsche Minnereden. 2 Bänd. (1913, 1938). Noochdruck Dublin/Züri 1967.
  • Ingeborg Glier: Artes amandi. Untersuchung zu Geschichte, Überlieferung und Typologie der deutschen Minnereden. Münche 1971. ISBN 3-406-02834-9.
  • Ronald Michael Schmidt: Studien zur deutschen Minnerede. Untersuchungen zu Zilies von Sayn, Johann von Konstanz und Eberhard von Cersne. Göppinge 1982. ISBN 3-87452-553-8.
  • Michael Mareiner: Mittelhochdeutsche Minnereden und Minneallegorien der Wiener Handschrift 2796 und der Heidelberger Handschrift Pal. germ 348. Bärn 1984.
  • Michael Mareiner: Mittelhochdeutsche Minnereden und Minneallegorien der Prager Handschrift R VI Fc 26. Bärn 1998
  • Jacob Klingner, Ludger Lieb, Iulia-Emilia Dorobanțu: Handbuch Minnereden. 2 Bänd, Berlin u. a. 2013.

Weblingg ändere

  Dä Artikel basiert uff ere fräie Übersetzig vum Artikel „Minnerede“ vu de dütsche Wikipedia. E Liste vu de Autore un Versione isch do z finde.