Musical-Theater Basel
Koordinate: 47° 34′ 6″ N, 7° 35′ 52″ O; CH1903: 611977 / 268637
| Dialäkt: Baseldütsch |
S Musical Theater Basel isch e Theater- und Konzärthuus an dr Fäldbärgerstrooss 151 in dr Schwizer Stadt Basel. Es isch am 25. Septämber 1995 eröffnet worde und gältet as eini vo de modärnste Bühne in Europa. Es befindet sich uf em Gländ vo dr «MCH Messe Schweiz AG» und isch Deil vom grösste schwizerische Mäss- und Kongrässundernähme. Es wird sit 1998 vo dr «Freddy Burger Management» bedriibe.
S Theater het 1'557 Sitzblätz, drvo 1'102 im Parkett und 455 uf em Balkon. Im Foyer het s 5 Bars und Blatz für öbbe 1'000 Gest. D Bühni het e Flechi vo 270 m², über 50 Bühnizüg und e 26 Meter hoche Bühnidurm.
2011 het s Drummeli zum erste Mol sit langem wider im e Theater stattgfunde. Früehner isch s im «Kiechli» dehaim gsi, denn im Mäss-Festsaal, wo vo vile as z grooss aagluegt worden isch und im Johr 2011 im Musical-Theater. Sust im Brogramm vom Musical-Theater si Uffüehrige wie «Das Phantom der Oper», «Die Schöne und das Biest», «Lord of the Dance» oder d «Mummeschanz» gsi.
Archidekduur
ändereS Musical Theater wird as äins vo de ussergwöönlige Baute uf em Chläibaasler Mässgländ bezäichnet. Archidekdoonisch sticht s Geböid, wo vo de Baumäister Franz Bräuning und Arthur Dürig 1958 entworfe worde isch, uuse. Die markanti Sheddach-Form erinneret an die cheemische oder mechaanische Brodukzioonshalle, wo mä no in dr erste Helfti vom 20. Joorhundert bsundrigs im Chläibaasel hüfig het chönne aadräffe.[1]
Fuessnoote
ändere- ↑ Patrick Marcolli: Musical Theater – Im Auf und Ab des Messebetriebs. Abgruefen am 24. Februar 2022.