Mummeschanz

Mummeschanz isch de Name von ere Schwizer Masketheater-Gruppe.

e Figur vo Mummeschanz bi Art on Ice i de Globe Arena z Stockholm im März 2014

Mummeschanz, wo i ihrne Ufüerige e Mischig zwüsched Theater mit grosse Maske und Pantomime zaigt, brucht weder Wort no Kulisse – nu en ganz dunkle Hendergrund. Ehri Requisite, wo Mummeschanz bruuched, mached si alli sälber.

Gschicht

Gründet worde isch Mummeschanz 1972 z Paris vom Bernie Schürch, de Floriana Frassetto und em Andres Bossard. Am Afang isch d Gruppe i chline Theater i de Schwiz underwegs gsi. Vo de Ende 70er bis Afang 80er Johr sind si drü Johr ununterbroche am Broadway z New York ufträte. Nochher hends uf de ganze Welt Tournée gmacht und Programm wie z. B. «Parade», «Next», «3x11» und «40 years» gspilt. Noch em Tod vom Andres Bossard im 1992 sind neui Persone zu de Truppe gstosse. 1998 isch z Altstetta d Mummeschanz-Stiftig gründet worde. Döt hät d Theatergruppe scho sit es paar Johr eren Sitz, es Probelokal und s Materialdepot.

Sit em Herbst 2016 sind d Mummeschanz in ere neue Bsetzig mit em Programm «you & me» underwägs.

Ensemble

• Floriana Frassetto, sit 1972 (e Gründeri)
• Sara Hermann, sit 2015
• Oliver Pfulg, sit 2015
• Christa Barrett, sit 2016
• Kevin Blaser, sit 2016
• Eric Sauge, sit 2014 (Liachtgstalter)

Ehemolegi

• Andres Bossard, 1972–1992 † (en Gründer)
• Bernie Schürch, 1972–2012 (en Gründer)
• Philip Egli, 2012–2016
• Pietro Montandon
• Raffaella Mattioli

Uszaichnige

Mitti Dezember 2011 hät Mummeschanz de «Arosa Humor-Füller» bim Arosa Humor-Festival gwunne. En Monet spöter händ si de SwissAward 2011 i de Sparte Kultur öberchoo. Im Mai drufabe isch Mummenschanz mit em Prix Walo 2011 för di bescht Bühneproduktion uszaichnet worde. Im Herbst 2015 hät d Floriana Frassetto för ehres künstlerische Schaffe mit Mummeschanz an «Goldiga Törgga» vo da Rhintaler Kulturstiftig öberchoo.

Weblink

• d Website vo Mummeschanz