Nadschran
Nadschran (au Najran, Nejran oder Nagran; arabisch نجران Nadschrān, DMG Naǧrān us altsüdarabisch ngrn; früener Abā as-Saʿūd / أبا السعود) isch e Stadt im südwestlige Saudi-Arabie in dr Nööchi vo dr jemenitische Gränze. Si isch d Hauptstadt vo dr Browinz Nadschran.
| Nadschran | |
|---|---|
 | |
| Basisdaate | |
| Staat: | Saudi-Arabie |
| Browinz: | Nadschran |
| Iiwooner: | 246'880 (2004) |
| Koordinate: 17° 30′ N, 44° 8′ O | |
Geografii und Bevölkerig
ändereNadschran lit im ene Wadi, wo vo Weste här chunnt und in dr Nööchi vo Nadschran in d Wüesti mündet. Si ghört zu de Stedt in Saudi-Arabie, wo am schnällste waggse: iiri Bevölkerig isch vo 47'500 (1974) und 90'983 (1992) uf 246'880 (2004) gwaggse.
Alli Iiwooner si Muslim, die mäiste ghööre zur ismailische Schia. D Hanbali, Shafi'i und Maliki-Sunnite bilde die zwäitgrössti ethnisch-religiöösi Grubbe und d Zaydi-Shiite die chlinst. Früeji christligi Gmäinde si vom Kalif Omar uf Mesopotamie deportiert worde und die jüdischi Gmäind isch vo 1934 aa vom Staat verfolgt worde und 1949 uf Aden gflüchdet. Vo dört si si in dr Operazioon Fliegende Deppig uf Israel gflooge worde.
2012 isch e Maa, dr Murīʻ bin ʻAlī bin ʻIsá al-ʻAsīrī, in dr Stadt wäge Häxerei und Magii zum Dood verurdäilt und köpft worde.
Litratuur
ändere- Irfan Shahîd: Art "Nadjrān" in The Encyclopaedia of Islam. New Edition Bd. VII, S. 871b-872b.
- Hermann von Wissmann, Maria Höfner: Beiträge zur historischen Geographie des vorislamischen Südarabien (Abhandlungen der geistes- und sozialwissenschaftlichen Klasse der Akademie der Wissenschaften und der Literatur in Mainz, Jahrgang 1952, Nr. 4). Verlag der Akademie der Wissenschaften und der Literatur in Mainz, Mainz 1953 (zum antiken Nadschran: S. 9-14)
- Hermann von Wissmann: Zur Geschichte und Landeskunde von Alt-Südarabien (Sammlung Eduard Glaser, Nr. III = Österreichische Akademie der Wissenschaften, philosophisch-historische Klasse, Sitzungsberichte, Band 246) Böhlaus, Wien 1964 (zum antiken Nadschran: S. 147-152, 159-206)
- Department of Antiquities and Museums: Antiquities of the Southwestern Region - Asir - Nejran , Ministry of Education, Riyadh 1975.
|
Dä Artikel basiert uff ere fräie Übersetzig vum Artikel „Najran“ vu de änglische Wikipedia. E Liste vu de Autore un Versione isch do z finde. |