Naasespiegel
Dr Naasespiegel (Rhinarium) isch e Beriich, wo von ere Schliimhut um d Naaselöcher vo vile Süügerarte bildet wird und vor allem bi Makrosmate vorchunnt, also bi Dier mit eme guet entwicklete Gruchssinn.[1] Typisch für e Naasespiegel isch, ass käini Hoor druf waggse, ass d Oberflechi in Fälder iidailt isch und as es es vili Drüese und Dastkörperli druf het.[2] Aber bim Moschusochs und e baar andere Arte het s Hoor uf em Naasespiegel.[1]
Hüfig isch dr Naasespiegel uf e Beriich um d Naaselöcher beschränkt, bsunders bi Raubdier und Paarhuefer. Mänggisch ghört au d Oberlippe drzue und denn het mä e Nase-Lippe-Spiegel, wie s Flotzmuul vo de Rinder und d Rüsselschiibe vo de Säu. Über s Philtrum cha dr Naasespiegel mit dr Schliimhuut vom Muulvorhof verbunde si.[2]
Under de Primate si s d Füechtnasenaffe, won e Nasespiegel hai. Die verchürzti Schnauze vo de Drochenasenaffe het drgege kei Nasespiegel, so dass deren ihri Oberlippe, wo nit underbrochen isch und Hoor druf wachse, e hochi Differenzierig vo dr mimische Muskulatur vom Muul möglig macht.[2]
Nowiis
ändere- ↑ 1,0 1,1 Rolf Sauermost, Doris Freudig (Hrsg.): Lexikon der Biologie in vierzehn Bänden. Neunter Band. Spektrum Akademischer Verlag (Elsevier), Heidelberg 2002, ISBN 3-8274-0334-0 (514 Siite, dütsch; S. 483).
- ↑ 2,0 2,1 2,2 Dietrich Starck: Lehrbuch der Speziellen Zoologie. Band II: Wirbeltiere. 5. Teil: Säugetiere. Gustav-Fischer-Verlag, Jena 1995, ISBN 3-334-60453-5 (1241 Siite, dütsch; S. 121).
|
Dä Artikel basiert uff ere fräie Übersetzig vu dere Version vum Artikel „Nasenspiegel“ vu de dütsche Wikipedia. E Liste vu de Autore un Versione isch do z finde. |