Netilat Jadajim
D Netilat Jadajim (hebräisch נטילת ידיים) isch s rituelle Wäsche vo de Händ bi de Juude. Es isch näbe dr Tevila, wo mä dr ganz Körper in ere Mikwe iidaucht, äini vo de bäide verschiidene Forme vom rituelle Wäsche im Juudedum.
S erste Mol wärde die Praktike in dr Tora erwäänt und wärde in dr Mischna und im Talmud erkläärt. Hüte braktiziere nume no d Aahänger vom orthodoxe und sältener au vom konserwative Juudedum s rituelle Wäsche vo de Händ. Im liberale Juudedum findet mä dä Bruuch nüme.
Wie s gmacht wird ändere
Us eme bsundrige Chrueg, em "Negel Vasser" (jiddisch für ‹Nagel Wasser›), schüttet mä sich dreimol Wasser uf die äinti und denn uf die anderi Hand, und das vor em und noch em Ässe. Vor em Ässe säit mä drzue e Bracha d. h. e Sääge, wemm mä Brot mit eme Ässe isst. Wenn mä kä Broot isst, brucht mä kä Bracha z sääge. Au ooni Bracha wäscht mä d Händ, wemm mä öbbis trefs aaglängt het, uf em WC oder uf eme Friidhoof gsi isch, oder sust öbbis gmacht het, wo rituel nid räin isch.
Au vor em Bäte müesse d Händ gwäsche wärde und d Briester wäsche sä bevor si d Gmäind bi bsundrige Aaläss säägne.
|
Dä Artikel basiert uff ere fräie Übersetzig vum Artikel „Netilat_Jadajim“ vu de dütsche Wikipedia. E Liste vu de Autore un Versione isch do z finde. |